08.06.2026 | 18:54
ՔՊ-ի կողմից ճնշումների ու խրախուսումների վերաբերյալ ահազանգեր ենք ստացել․ ԵՄ հանձնակատար․ ՏԵՍԱՆՅՈՒԹ
Արհմիությունները գրավիչ պետք է դարձնեն աշխատանքային իրավունքները պաշտպանելու համար․ Հ․ Տիգրանյան․ ՏԵՍԱՆՅՈՒԹ
Հասարակություն
18.07.2022 | 17:20
«Գործընկերություն հանուն բաց հասարակության» նախաձեռնությունը, Բաց հասարակության հիմնադրամներ-Հայաստանը և Հայաստանում Եվրոպական Միության պատվիրակության գրասենյակը կազմակերպել են «Աշխատողների հզորացումն աշխատանքային բարեփոխումների միջոցով» քննարկումը։
Քննարկման են ներկայացված ՀՀ-ԵՄ միջև Համապարփակ և ընդլայնված գործընկերության համաձայնագրի (ՀԸԳՀ) իրականացման քաղաքացիական հասարակության համատեղ մշտադիտարկման շրջանակում իրականացված առաջարկները։
«Խտրականության մասին ամբողջական հոդված ենք ներմուծվել Աշխատանքային օրենսգիրք՝ խտրականության արգելքն ապահովելու համար, 2005թ. Աշխատանքային օրենսգրքի ընդունումից հետո խտրականության արգելքի հարցը կարգավորված չէր»,- այս մասին նշեց ՀՀ ԱԺ աշխատանքի և սոցիալական հարցերի մշտական հանձնաժողովի նախագահ Հերիքնազ Տիգրանյանը:
Նրա խոսքով՝ Աշխատանքային օրենսգրքում փոփոխություններ են կատարվել նաև քովիդով հիվանդացած աշխատողների իրավունքները լրացուցիչ երաշխիքներով ապահովելու համար, նաև պատերազմական գործողությունների մասնակից աշխատողների իրավունքները, նրանց աշխատատեղերը և վարձատրվելու իրավունքը պաշտպանելու համար:
Տիգրանյանի կարծիքով՝ օրենսդրական կարգավորումներն անհրաժեշտ են, բայց հավասարակշռված աշխատանքային իրավահարաբերությունների հասնելու համար կարևոր է նաև աշխատողների իրավագիտակցությունը:
Նրա դիտարկմամբ՝ աշխատողների իրավունքների պաշտպանության գործում կարևոր է նաև արհմիությունների դերը. «Արհմիություններին պետք է տալ իրավական ոշորշակի գործիքակազմ՝ դրանով արհմիությունները գրավիչ դարձնելով աշխատանքային իրավունքները պաշտպանելու առումով»:
Մանրամասները՝ տեսանյութում:
