26.11.2024 | 12:29
ԱՄՆ-ում Դոնալդ Թրամփի դեմ երկու քրեական գործ է կարճվել
Ռուսական ընդդիմադիր «Դոժդ» հեռուստաալիքն այսօր կվերսկսի աշխատանքը
Քաղաքականություն
18.07.2022 | 17:53
Այսօր Մոսկվայի ժամանակով ժամը 20։00-ից «Դոժդ» հեռուստաալիքը կսկի YouTube ալիքով հեռարձակումը։ Այն կարող եք դիտել այս հղումով:
«Դոժդի» գլխավոր տնօրեն Նատալյա Սինդեևան նախօրեին հարցազրույց է տվել «Խոլոդին» և ասել, որ հեռուստաալիքը կաշխատի օրական մի քանի ժամ մինչև ամառվա վերջ, իսկ դրա լիարժեք հեռարձակումը կվերսկսվի սեպտեմբերին։
«Դոժդ»-ը դարձել է պատերազմի հետևանքով ՌԴ-ում փակված խոշորագույն լրատվամիջոցներից մեկը (Էխո Մոսկվիի, Նովայա գազետայի և «Զնակ»-ի հետ միասին)։ Մարտի 1-ին Ռոսկոմնադզորն արգելափակեց հեռուստաընկերության կայքը, իսկ մարտի 3-ին խմբագրությունը հայտարարեց աշխատանքի դադարեցման մասին՝ «իր լրագրողներին և հյուրերին զինված ուժերի մասին կեղծիքների մասին նոր քրեական հոդվածից պաշտպանելու անկարողության» հիմնավորմամբ։ Դրանից հետո «Դոժդի» ղեկավարությունն ու բազմաթիվ աշխատակիցներ լքեցին Ռուսաստանը։
Դոժդի հաղորդագրության մեջ ասվում է, որ հեռուստաալիքի իրավաբանորեն գրանցվել է Լատվիայում, որտեղ այն ստացել է հեռարձակման եվրոպական արտոնագիր։
Տաթև Ֆռանգյան
