17.04.2026 | 11:34
Հայ ձյուդոիստները մեկնարկել են ԵԱ-ում, Դավիթ Աբրահամյանը 5-րդն է
Էրդողանը երկրում աննախադեպ գնաճը կապել 2016 թ-ի պետական հեղաշրջման փորձի հետ
Քաղաքականություն
16.07.2022 | 13:33
2016 թվականի հուլիսի 15-ի հեղաշրջման փորձի տարելիցին նվիրված տեսանյութում Թուրքիայի նախագահ Ռեջեփ Թայիփ Էրդողանը պնդել է, որ վեց տարի առաջ տեղի ունեցած հեղաշրջման փորձը կանգնած է ներկայիս աճող գնաճի հետևում, գրում են թուրքական լրատվամիջոցները։
Նա անդրադարձել է իր ուղերձում նաև Թուրքիայում խորացող տնտեսական ճգնաժամին՝ ասելով, որ գնաճը ներկայումս ոչ միայն Թուրքիայի, այլ ամբողջ աշխարհի խնդիրն է։
«Համաճարակի և պատերազմական պայմանների հետևանքով առաջացած ապրանքների և հատկապես էներգակիրների գնաճը ոչ միայն մեր, այլև ողջ աշխարհի խնդիրն է։ Հուսանք՝ մենք կլինենք առաջին երկրներից, որը դուրս կգա այս գնաճից]և իր հետևում կթողնի ևս մեկ դժբախտություն, որը մենք տեսնում ենք, որպես հուլիսի 15-ի շարունակություն»,- ասել է Էրդողանը։
Նա նաև նշել է, որ որոշ ուժեր փորձում են Թուրքիային «հանձնվել տնտեսության միջոցով»։
«Մենք չենք համաձայնի Թուրքիային հանձնել տնտեսության միջոցով, այն չի կարող ոչնչացվել հեղաշրջման միջոցով, ահաբեկչության միջոցով»,-ասել է նա։
Հավելենք, որ հունիսին Թուրքիայում գնաճը հասել է 24 տարվա ամենաբարձր մակարդակին՝ 78,62 տոկոսի, որը հիմնականում պայմանավորված է անցյալ տարվա վերջին արժութային ճգնաժամով և լիրայի շարունակական անկմամբ։
Էմմա Չոբանյան
