27.07.2026 | 23:18
Ոստիկանները ձերբակալել են ապօրինի զենք պահող տղամարդուն
Պատերազմում Ռուսաստանի օպերատիվ դադարը պայմանավորված է անձնակազմի սղությամբ․ ISW
Քաղաքականություն
15.07.2022 | 17:32
ՌԴ-ի իշխանությունները շարունակոմ են ուկրաինական գրավյալ տարածքներում անձնակազմի ու աշխատուժի պակաս զգալ։ Այս մասին ասվում է Պատերազմի ուսումնասիրության ամերիկյան ինստիտուտի ՝ ISW-ի զեկույցում, գրում է BBC-ի ռուսական ծառայությունը։
Զեկույցում ինստիտուտի փորձագետները բացատրում են, որ իրենց կարծիքով՝ դրանով է պայմանավորված ռուսական հրամանատարության նախաձեռնած օպերատիվ դադարը։ Նշվում է, որ ռուսական բանակի գլխավոր առաջնահերթությունն այս փուլում Ուկրաինայի քաղաքացիական ենթակառուցվածքների համակարգված և լայնածավալ թիրախավորումն է։ Վիննիցայի վրա հրթիռային հարձակումը այդ մարտավարության մի մասն է։ Զուգահեռաբար շարունակվում են Ուկրաինայի գրավյալ շրջանների բնակիչներին ռուսական անձնագրեր բաժանելու փորձերը։
Հաղորդվում է, որ թոշակառուներին ՌԴ քաղաքացիություն ձեռք բերելու հարցում շահագրգռելու համար ռուսական զորքերը Մելիտոպոլում կենսաթոշակային հիմնադրամ են բացել։ Սպասվում է նաև, որ Խերսոն են ժամանելու նաև քաղաքական գործիչներ՝ մարզում ՌԴ-ին միանալու հարցով հանրաքվե անցկացնելու համար։
Էմմա Չոբանյան
