21.12.2025 | 22:02
Ֆուտզալի Հայաստանի հավաքականը հաղթեց Մոլդովային
Հաշմանդամություն ունեցող անձը կարող է գործատուից խելամիտ հարմարեցումներ պահանջել. նախագիծն ընդունվեց առաջին ընթերցմամբ․ ՏԵՍԱՆՅՈՒԹ
Հասարակություն
14.07.2022 | 11:58
ԱԺ արտահերթ նիստում խորհրդարանը քննարկեց ԱԺ «Քաղաքացիական պայմանագիր» խմբակցության պատգամավոր Զարուհի Բաթոյանի ներկայացրած՝ ՀՀ աշխատանքային օրենսգրքում փոփոխություններ և լրացումներ կատարելու մասին նախագիծը երկրորդ ընթերցմամբ և ամբողջությամբ ընդունելու մասին հարցը:
«Աշխատանքային օրենսգիրքը մի կողմից արգելում է խտրականությունը՝ հաշմանդամության հիմքով, մյուս կողմից՝ սահմանում է, որ աշխատողի աշխատունակությունը չվերականգնվելու և հաշմանդամության կարգը որոշվելու դեպքում գործատուն կարող է լուծել աշխատանքային պայմանագիրը:
Բացի դրանից, բացակայում են երաշխիքներ խելամիտ հարմարեցումների տրամադրման համար, այդ թվում՝ այն պարագայում, երբ աշխատողն աշխատանքի ընթացքում է ճանաչվել է հաշմանդամություն ունեցող անձ»,- նշեց Բաթոյանը:
Օրենսդրական փոփոխության համաձայն՝ աշխատանքային պարտականությունների պատշաճ կատարման կամ նույն գործատուի մոտ այլ աշխատանքի անցնելու նպատակով հաշմանդամություն ունեցող անձը կարող է դիմել գործատուին՝ խելամիտ հարմարեցումներ ստանալու նպատակով:
Կազմակերպությունների պարտավորություններում կամրագրվի, որ աշխատողների տեղահանման պլանը պետք է կազմված լինի հաշմանդամություն ունեցող անձանց կարիքների հիման վրա:
Հաշմանդամություն ունեցող աշխատողների համար նախատեսված երաշխիքներում կսահմանվի, որ աշխատողի աշխատունակությունը չվերականգնվելու և հաշմանդամություն ունեցող անձ ճանաչվելու դեպքում գործատուն կարող է լուծել աշխատանքային պայմանագիրը, այն պարագայում միայն, եթե առկա է հակացուցման եզրակացություն՝ տվյալ աշխատանքով զբաղվելու վերաբերյալ:
Մանրամասները՝ տեսանյութում:
