07.05.2024 | 21:53
Բաքուն և Սոֆիան ռազմավարական գործընկերության ամրապնդման հռչակագիր են ստորագրելու․ Բուլղարիայի նախագահն Ադրբեջանում է
Հայ-թուրքական սահմանին ականազերծման աշխատանքներ են սկսվել
Քաղաքականություն
13.07.2022 | 13:09
Թուրքական Gazete Kars լրատվամիջոցը գրում է, որ Հայաստանի ու Թուրքիայի հարաբերությունների կարգավորման գործընթացում կոնկրետ քայլեր են ձեռնարկվում։ Մասնավորապես, լրատվականը նշում է, որ երկու երկրների ներկայացուցիչների ու ղեկավարների հեռախոսազրույցից հետո տնտեսական շահերը մղվել են առաջին պլան։
«Մի կողմից առաջին պլան է մղվել «Դողուքափի» սահմանային անցակետի բացումը, որն ունի ավտոմոբիլային ու երկաթուղային ճանապարհներ և «Ալիջան» անցակետի բացումը, որն ունի ավտոմոբիլային ճանապարհ, մյուս կողմից«Զանգեզուրի միջանցքի» համար ժողով է անցկացվել»,-գրում է լրատվականը։
Նշվում է, որ մինչ Կարսի բնակիչները սպասում են «Դողուքափը» անցակետի բացմանը, տեղեկություններ կան,որ իսրայելական ընկերությունը Թուրքիա-Հայաստան սահմանին ականազերծում է իրականցնում։ Ըստ աղբյուրի՝ Կարսի Աքյաքա շրջանի Իբիշ գյուղի մոտ աշխատանքներն ընթանում են արդեն 20 օր։ Լրատվամիջոցը նաև նշում է, որ պաշտոնական տեղեկություններ այս մասին չկան։
Հավելենք, որ հուլիսի 11-ին ՀՀ վարչապետ Նիկոլ Փաշինյանը հեռախոսազրույց էր ունեցել Թուրքիայի նախագահ Ռեջեփ Թայիփ Էրդողանի հետ։
Էմմա Չոբանյան
