15.12.2025 | 22:00
Գարեգին Բ-ի՝ գործակալ լինելու մասին պնդման հետքերով. ինչ է ասում դատախազությունը. ՏԵՍԱՆՅՈՒԹ
«Արտասահմանից չէ, բայց եթե մոտակայքում են, թող գան»․ Ռուբինյանը կոչ արեց ընդդիմությանը գալ ԱԺ․ ՏԵՍԱՆՅՈՒԹ
Քաղաքականություն
06.07.2022 | 15:17
«ԱԺ հանձնաժողովի նիստը սկսելուց իմ առաջին դիտարկումը եղել է այն, թե որտեղ են մեր ընդդիմադիր գործընկերները, կարծում եմ այս երկու նախագծերի քննարկմանը կարևոր էր նրանց մասնակցությունը»,- այս մասին ԱԺ-ում Պաշտպանության մասին նոր օրենքի նախագծի քննարկման ժամանակ ասաց Պաշտպանության և անվտանգության հանձնաժողովի նախագահ, իշխող խմբակցության պատգամավոր Անդրանիկ Քոչարյանը։
«Մինչև փողոց տեղափոխվելը իրենք հանձնաժողովի նիստում ակտիվ էին այս նախագծերի քննարկման ժամանակ և մի քանի օրինագծերի քննարկմանը պետք է վերադառնային։ Այնուամենայիվ իրենց փնտրտուքով զբաղվելու իմաստ չկա, մենք զբաղվում ենք երկրի անվտանգային խնդիրների լուծման օրակարգ ձևավորելով»,- նշեց պատգամավորը՝
Պատգամավորի գնահատմամբ՝ ԱԺ-ում այսօր քննարկվող նախագծերը դասեր քաղելու օրինագծեր են:
«Իշխան Սաղաթելյանը զորակոչի հետ կապված ինձ անվանեց ծերունի, մի բան էլ կողքից ավելացրեց, ես իրեն չեմ պիտակավորի, բայց ես մի բան կհիշեցնեմ․ երբ 90-ականներին նոր էինք բանակ ձևավորում և մենք բոլորս ծերունի չէինք, ես հիմա էլ ինձ ծերունի չեմ համարում, բանակը կառուցում էինք սովետական մոդելով և այդ մոդելը նույն էր, ինչ հիմա առաջարկում է ՊՆ-ն։ Այնտեղ հակասություն չէր առաջանում ԳՇ պետի և պաշտպանության նախարարի ու տեղակալների միջև։ Եթե հակասություններ առաջանան, դրանք կլուծվեն այլ կարգավորումներով»- նշեց Քոչարյանը:
Նրա խոսքով՝ ԱԺ ներկայացված նախագիծը լուծում է կոռուպցիայի հնարավոր դրսևորումների խնդիրը։ «Զինվորականությունը կզբաղվի զինվորական գործերով, նախարարությունը՝ այդ ամեն ինչի քաղաքական կառավարման ճիշտ օրակարգ ձևավորելով»,- նշեց պատգամավորը:
ԱԺ փոխնախագահ Ռուբեն Ռուբինյանը ընդմիջում հայտարարեց, և խորհրդարանական ընդդիմությանը կոչ արեց գալ խորհրդարան. «Արտասահմանից չէ, բայց եթե մոտակայքում են, թող գան ԱԺ և քննարկեն «Պաշտպանության մասին օրենքում» փոփոխությունների այս նախագծերը»:
Մանրամասները՝ տեսանյութում:
