Անչափահասների, ինչպես նաև կերակրող մայրերի նկատմամբ պատժախուցի կիրառումը կվերացվի․ նախագիծ. ՏԵՍԱՆՅՈՒԹ

Կռավարության կողմից Ազգային ժողովի քննարկմանը ներկայացված  նախագծով մասնավորապես նախատեսվում է  բացառել անչափահասների, ինչպես նաև կերակրող մայրերի նկատմամբ պատժախուցը որպես տույժի միջոց կիրառելու հնարավորությունը:

ՀՀ արդարադատության փոխնախարար Երանուհի Թումանյանցն ԱԺ արտահերթ նիստում ներկայացնելով ՀՀ քրեակատարողական օրենսգրքում փոփոխություններ և լրացումներ կատարելու մասին, «Ձերբակալված և կալանավորված անձանց պահելու մասին» օրենքում փոփոխություններ կատարելու մասին օրենքների նախագծերը, նշեց.  «Առաջարկվում է Ձերբակալված և կալանավորված անձանց պահելու մասին օրենքում հստակեցնել կալանավորված անձանց հոգեբանական և հոգեթերապևտիկ աջակցություն ունենալու իրավունքը: Վերացվում է ինքնավնասման համար կարգապահական տույժ կիրառելու իրավական հնարավորությունը, բացառվում է անչափահասների, ինչպես նաև կերակրող մայրերի նկատմամբ պատժախուցը որպես տույժի միջոց կիրառելու հնարավորությունը»:

Այս փոփոխությունները, նախարարի խոսքով, թույլ կտան գործնականում առավել արդյունավետ կերպով ապահովել կալանավորված անձանց  հոգեկան առողջության իրավունքի պաշտպանությունը, այդ թվում չպիտակավորել ինքնավնասման հակում ունեցող անձանց՝ խստորեն պատժելու փոխարեն շեշտը դնելով ինքնավնասման հակում ունեցող անչափահաս, ինչպես նաև  կերակրող մայր կալանավորված անձանց հետ տարվող աշխատանքների արդյունավետության բարձրացման վրա:

Մանրամասները՝ տեսանյութում: