01.09.2026 | 23:48
ՀՀ նախագահը պաշտոնական այցով կմեկնի Չեխիա
ԳՇ-ՊՆ անջրպետը տեսանք, ինչն անընդունելի և կործանարար է երկրի համար․ Արմեն Խաչատրյան․ ՏԵՍԱՆՅՈՒԹ
Քաղաքականություն
06.07.2022 | 10:54
«Զինված ուժերը պետք է ունենան ուղղահայաց կառավարում: Մենք Զինված ուժերում փաստացի ունենք հորիզոնական կառավարում, ինչը բազմաթիվ խնդիրներ է առաջացնում»,- ԱԺ պաշտպանության և անվտանգության հարցերի մշտական հանձնաժողովի նիստում նշեցն «Քաղաքացիական պայմանագիր խմբակցության պատգամավոր Արմեն Խաչատրյանը՝ անդրադառնալով «Զինվորական ծառայության և զինծառայողի կարգավիճակի մասին օրենքում փոփոխություններ և լրացումներ անելու մասին» նախագծի այն փոփոխությանը, որի համաձայն՝ ԳՇ պետը կդառնա պաշտպանության առաջին փոխնախարար:
Պատգամավորը վստահություն հայտնեց՝ այս կարգավորումը էականորեն բարձրացնելու է մեր երկրի պաշտպանունակությունը:
«Ե՛վ քառօրյա պատերազմի , և՛ 44–օրյա պատերազմի ժամանակ մենք տեսանք այն անջրպետը, որ կար Գլխավոր շտաբի պետ և Պաշտպանության նախարարություն հարաբերություններում, ինչը կործանարար էր մեր երկրի համար: Հորիզոնական կառավարումն անընդունելի է մեր Զինված ուժերի համար, և ուղղահայաց կառավարման նորմով մենք կարգավորումենր ենք անում, ինչը հնարավորություն կտա հետագայում խնդիրներից խուսափել»,- նշեց պատգամավորը:
Խաչատրյանի խոսքով՝ օրենքի նոր կարգավորումներով Գլխավոր շտաբի լիազորություններից հանվում են նաև կոմերցիոն գործառույթները. «Զինվորականները պետք է զբաղվեն զինվորականությամբ և ոչ կոմերցիոն գործառույթներով ու բիզնեսով, և ոչ էլ քաղաքականությամբ»:
Մանրամասները՝ տեսանյութում:
