28.02.2026 | 12:19
ՔՊ-ականներն ավտոբուսով մեկնում են մարզեր. Փաշինյանը տեսանյութ է հրապարակել
Մեծ Բրիտանիան մտադիր է պատերազմի ավարտից հետո գլխավորել Ուկրաինայի վերակառուցման աշխատանքները
Քաղաքականություն
04.07.2022 | 11:55
Լոնդոնը մտադիր է առաջատար դառնալ Ուկրաինայի հետպատերազմյան տնտեսության վերականգնման գործում։ Հաջորդ տարի Մեծ Բրիտանիայում կանցկացվի կոնֆերանս՝ նվիրված Ուկրաինայի վերակառուցմանը։ Այս մասին հայտարարել է Մեծ Բրիտանիայի արտաքին գործերի նախարար Լիզ Թրասը, հայտնում է Reuters-ը։
Բրիտանական կառավարության անդամները մտադիր են նաև մտնել վերահսկիչ խորհրդի կազմ, որպեսզի օգնեն համակարգել վերակառուցման համար Ուկրաինայի և նրա դաշնակիցների գործողությունները: Լոնդոնում կբացվի կոորդինացման կենտրոնի գրասենյակը։
«Մենք առաջատար ենք Ուկրաինային պատերազմի ժամանակ աջակցելու հարցում և կշարունակենք առաջատարը լինել երկրի վերականգնման և զարգացման ծրագրին աջակցելու գործում», – ասել է Թրասը:
Նրա խոսքով՝ Ռուսաստանի ագրեսիվ պատերազմից հետո Ուկրաինայի վերականգնումը կդառնա ընդդեմ բռնապետության ժողովրդավարության ուժի խորհրդանիշ։ «Համատեղ ներդրումը պետք է ցույց տա Ռուսաստանի նախագահ Վլադիմիր Պուտինին, որ Ուկրաինան կործանելու նրա փորձերը միայն ստեղծել են ավելի ուժեղ և բարգավաճ ազգ»,- նշել է Թրասը։
Տաթև Ֆռանգյան
