15.09.2026 | 16:49
ՀՀՇ-ի ծիլերից ծնվեց մեկը, որը իր խոսույթով չի տարբերվում թուրքերից․ Խաչատրյանը՝ Եղոյանին․ ՏԵՍԱՆՅՈՒԹ
Հուսալի և որակյալ լրատվամիջոց կառուցելու ուղին․ մեկնարկել է Մեդիա կառավարման առցանց դպրոցը․ ՏԵՍԱՆՅՈՒԹ
Հասարակություն
01.07.2022 | 21:44
Հուսալի և պրոֆեսիոնալ լրատվամիջոցներ կառուցելու ամենակարճ ու արդյունավետ ճանապարհն ընտրվեց ու անմիջապես գործի վերածվեց։ Հայաստանում մեկնարկեց ուսումնական նոր ծրագիր՝ Մեդիա կառավարման առցանց դպրոցը, որ նպատակ ուներ օգնել Հայաստանում լրատվամիջոցների զարգացմանը։
Դպրոցը նախատեսված է լրատվամիջոցների ղեկավարների, խմբագիրների, կոմերցիոն և բիզնեսի զարգացման բաժինների պատասխանատուների, կառավարման գործում ընդգրկված մասնագետների, նաև մեդիայի կառավարման խնդիրներով հետաքրքրված ուսանողների համար։
Մեդիա կառավարման առցանց դպրոցի նախագիծը, որն իրականացվում է Մեդիա նախաձեռնությունների կենտրոնի և Դոյչե Վելլե Ակադեմիայի նախաձեռնությամբ ու Եվրամիության ֆինանսավորմամբ, հնարավորություն կտա լրատվամիջոցների ներկայացուցիչներին հմտանալ առաջխաղացման ռազմավարության, մարքեթինգի, նախագծերի ստեղծման, ռեսուրսների և ֆինանսների կառավարման ոլորտներում, որոնք կարևոր են ինչպես մեդիա բիզնեսի ընթացիկ պլանավորման, այնպես էլ թվային միջավայրի փոփոխություններին արձագանքելու համար։
Արդեն մեկնարկած առաջին դպրոցում ընդգրկված են մեդիայի ներկայացուցիչներ Երևանից ու մարզերից, նրանց դասավանդում են Դոյչե Վելլե Ակադեմիայի օնլայն ուսուցման մեթոդաբանությամբ վերապատրաստում անցած տեղացի մասնագետները։ Դասընթացի առաջին փուլի մասնակիցները դպրոցի արդյունավետությունն արդեն իսկ գնահատում են։
Մինչ հաջորդ տարվա գարուն մեդիա կառավարման 3 առցանց դպրոց կլինի, յուրաքանչյուրը՝ 20-ական մասնակցով։
Մանրամասները՝ տեսանյութում։
Սաթենիկ Հայրապետյան
