06.10.2026 | 00:38
Ազգերի լիգա. Հայաստանի հավաքականը ոչ-ոքի խաղաց Չեռնոգորիայի հետ
Մեծ բախում՝ միջուկային ուժերի միջև․ ՌԴ-ն սպառնալիք հայտարարվեց, ՆԱՏՕ-ն ընդլայնվեց․ ի՞նչ սպասել․ ՏԵՍԱՆՅՈՒԹ
Քաղաքականություն
01.07.2022 | 20:00
ՆԱՏՕ-ի գագաթնաժողովը Մադրիդում կարող է վճռորոշ դեր ունենալ Ռուսաստան-Արևմուտք մեծ հակամարտության մեջ։ Ռուսաստանը կորցրեց Հյուսիսատլանտյան դաշինքի գործընկերոջ կարգավիճակը՝ որակվելով իբրև «ամենաէական և ուղղակի սպառնալիք»։ ՆԱՏՕ-ի ընդլայնումը թույլ չտալու պատրվակով Ուկրաինայի դեմ պատերազմ հայտարարած Ռուսաստանը ստացավ ավելի շատ ՆԱՏՕ՝ իր սահմաններին։ Շվեդիայի և Ֆինլանդիայի անդամակցությանն այլևս դեմ չէ Թուրքիան։ Սկանդինավյան պետությունները պաշտոնապես հրավեր ստացան դաշինքին անդամակցելու։
Ուկրաինական պատերազմի 5-րդ ամսում ՌԴ նախագահ Վլադիմիր Պուտինը հայտարարում է, թե Ռուսաստանն իր վերջնանպատակը չի փոխել՝ Դոնբասի պաշտպանություն, ՌԴ-ի անվտանգության երաշխիքների համար պայմանների ստեղծում։ Գրավված Խերսոնում ՌԴ-ի նշանակած իշխանությունը պատրաստվում է հանրաքվե անցկացնել շրջանը ՌԴ-ին միացնելու հարցով։ Իսկ Արևմուտքն ավելի շատ ՆԱՏՕ ՌԴ-ի համար կապահովի՝ 300 հազարի հասցնելով արագ արձագանքման զորքերի թիվը Եվրոպայում։
Ի՞նչ են նշանակում գլոբալ մակարդակի այս տեղաշարժերը։ Factor TV-ի տաղավարում հրավիրված քննարկմանը մասնակցում են քաղաքագետ Անդրիաս Ղուկասյանը, ազգային անվտանգության և ռազմական հարցերով փորձագետ, քաղաքական գիտությունների դոկտոր Հրաչյա Արզումանյանը, քաղաքագետ Սամվել Մելիքսեթյանը, «Քաղաքացու որոշում» կուսակցության անդամ Միքայել Նահապետյանը։
