15.12.2025 | 15:31
Արարատի մարզի որոշ շրջաններում 24 ժամ ջուր չի լինի
Ֆինլանդիան հայտարարել է, որ իր քաղաքացիներին չի արտահանձնի այլ երկրներին
Քաղաքականություն
01.07.2022 | 15:08
Ֆինլանդիայի ԱԳ նախարար Պեկկա Հաավիստոն հայտարարել է, որ երկիրը որևէ պարագայում իր քաղաքացիներին այլ երկրներին չի արտահանձնելու։ Այս մասին նա ասել է Yle հեռուստաալիքին տված հարցազրույցում, գրում է ՏԱՍՍ-ը։
«Ֆինլանդիայի պարտավորությունների համաձայն՝ Հելսինկին չի կարող իր քաղաքացիներին այլ երկրներին արտահանձնել, որտեղ նրանց սպառնում է մահապատիժ կամ խոշտանգումներ»,- ասել է Հաավիստոն՝ հավելելով․ «Ինչ վերաբերվում է արտահանձնմանը, ապա պահանջվում է, որ անձը մեղադրվի Ֆինլանդիայում ահաբեկչություն կատարելու կամ այն իրականացնել պատրաստվելու համար»։
Հիշեցնենք, որ Թուրքիայի արդարադատության նախարար Բեքիր Բոզդաղը հայտարարել էր, որ Անկարան Շվեդիայից ու Ֆինլանդիայից սպասում է 33 անձի՝ «ահաբեկչության մեկ կասկածվող քրդերի և գյուլենականների արտահանձնմանը», որոնց հարցով վաղուց է դիմել այդ երկրներին։
Հավելենք, որ Թուրքիան հանել է Շվեդիայի և Ֆինլանդիայի՝ ՆԱՏՕ-ին միանալու վետոն, երեք երկրները նաև հուշագիր են ստորագրել։
Էմմա Չոբանյան
