18.12.2025 | 13:40
Ադրբեջանցի դատախազն առաջարկել է Ռուբեն Վարդանյանին դատապարտել ցմահ ազատազրկման
Էրդողանը հեռախոսազրույցներ է ունեցել Իրանի և Ռուսաստանի նախագահների հետ
Քաղաքականություն
11.05.2018 | 12:02
Մայիսի 10-ին Թուրքիայի նախագահ Ռեջեփ Թայիփ Էրդողանը հեռախոսազրույցներ է ունեցել Ռուսաստանի և Իրանի նախագահների հետ. տեղեկացնում է ermenihaber-ը:
Էրդողան-Պուտին հեռախոսազրույցի ժամանակ քննարկել են Սիրիայում տիրող իրավիճակը, ինչպես նաև ԱՄՆ-ի նախագահի վերջին աղմկահարույց որոշումը, որով պաշտոնական Վաշինգտոնը պատրաստվում է դուրս գալ Իրանի հետ միջուկային հարցերի շուրջ համաձայնագրից։
Երկու նախագահները մտահոգություն են հայտնել Սիրիայում աճող լարվածության կապակցությամբ:
Էրդողանը և Պուտինը նշել են, որ ԱՄՆ-ի նախագահի որոշումը «սխալ է»։
Նույն օրը Էրդողանը հեռախոսազրույց է ունեցել նաև Իրանի նախագահ Հասան Ռուհանիի հետ: Օրակարգային հարցը եղել է Թրամփի որոշումը։ Վերջինս արարքը քննադատվել է թե Էրդողանի և թե Ռուհանիի կողմից։ Երկու նախագահները նաև քննարկել են թուրք-իրանական տնտեսական հարաբերությունները։
Վերոնշյալ համաձայնագրից դուրս գալով` Վաշինգտոնը փաստացի սպառնում է վերականգնել Իրանի նկատմամբ տարիներ շարունակ կիրառված պատժամիջոցները։
