08.06.2026 | 14:18
Եվրոպայի խորհրդի գլխավոր քարտուղարը շնորհավորել է Նիկոլ Փաշինյանին
Թուրքիան դեռևս կարող է արգելափակել ՆԱՏՕ-ին Ֆինլանդիայի և Շվեդիայի անդամակցությունը․ Էրդողան
Քաղաքականություն
01.07.2022 | 11:14
Անկարայի, Ստոկհոլմի և Հելսինկիի միջև եռակողմ համաձայնագրի կնքումից երկու օր անց, որը վերացրեց Սկանդինավյան երկու երկրների՝ ՆԱՏՕ-ին անդամակցելու հիմնական խոչընդոտը, Թուրքիայի նախագահը հայտարարել է, որ այդ գործընթացը դեռևս կարող է արգելափակվել, եթե համաձայնագրի կողմերը չպահեն իրենց խոստումները, փոխանցում է BBC-ի ռուսական ծառայությունը։
Մադրիդում ՆԱՏՕ-ի ղեկավարների երկօրյա գագաթնաժողովի փակումից առաջ Ռեջեփ Թայիփ Էրդողանը հայտարարել է, որ ստորագրված 10 էջանոց համաձայնագիրը Թուրքիայի հաղթանակն է։ Նա հատուկ ընդգծել է Շվեդիայից և Ֆինլանդիայից Թուրքիայի պահանջի բավարարման անհրաժեշտությունը քրդական խմբավորումների կամ թուրք քարոզիչ Ֆեթուլլահ Գյուլենի կողմնակիցների արտահանձնման վերաբերյալ, ում Անկարան մեղադրում է 2016 թվականի հեղաշրջման փորձը կազմակերպելու մեջ:
Միաժամանակ, Թուրքիայի ղեկավարը հավելել է, որ եթե հյուսիսային Եվրոպայի երկու երկրները դրժեն իրենց խոստումները, Թուրքիայի խորհրդարանը կարող է հրաժարվել երեքշաբթի օրը կնքված համաձայնագրի վավերացումից։
Հիշեցնենք, որ ՆԱՏՕ-ի նոր անդամի մուտքը դաշինք պահանջում է անդամ բոլոր 30 երկրների պաշտոնական հաստատումը, որոնցից յուրաքանչյուրն ունի վետոյի իրավունք։
Տաթև Ֆռանգյան
