22.04.2026 | 12:52
«Չելսին» 1912 թ․ անհաջող շարքն է կրկնել․ ՏԵՍԱՆՅՈՒԹ
Չեմ վախենում․ կշռադատված որոշում եմ կայացրել․ Աննա Վարդապետյան․ ՏԵՍԱՆՅՈՒԹ
Քաղաքականություն
29.06.2022 | 14:40
Ազգային ժողովում շարունակում է քննարկվել ՀՀ գլխավոր դատախազի ընտրության հարցը։
«Քաղաքացիական պայմանագիր» խմբակցության պատգամավոր Վլադիմիր Վարդանյանը կարծիք հայտնեց, որ ցանկացած խնդրի լուծման և առաջընթաց պահահովելու համար նախևառաջ անհրաժեշտ է առերեսվել և՛ ներկայի, և՛ անցյալի հետ:
«Ցավոք դատախազությունում ունենք «կմախքներ» պահարաններում, որոնք որոշակիորեն ստվերում են նաև նոր դատախազության իմիջը»,- ասաց պատգամավորը:
Դիմելով գլխավոր դատախազի թեկնածու Աննա Վարդապետյանին, Վարդանյանը հարցրեց. «Դուք կաշկանդվածություն ունե՞ք՝ առերեսվելու անցյալի հետ, վեր հանելու բոլոր կմախքները և վերացնելու բացասական ընկալումները, որոնք առկա են եղել դատախազությունում, և դրանով հանդերձ, գնալ առաջ՝ կառուցելով նոր դատախազություն նոր Հայաստանի համար»:
Վարդապետյանը պատասխանեց, որ չի վախենում. «Չեմ վախենում, քանի որ կշռադատված որոշում եմ կայացրել և ուզում եմ իմ գիտելիքները ծառայեցնել: Սա հանցավոր ինքնավստահության դրսևորում չէ, այլ պատասխանատվություն է, որը ստանձնում եմ գիտակցաբար:
Ցանկացած դեստրուկտիվ մոտեցման դեմ եմ… Եթե խոսում ենք «կմախքներ» մաքրելու, կառուցվածքային փոփոխությունների ու առաջնահերթություններ դնելու մասին, ապա դա պետք է դրանք լինեն շատ հստակ ու կանխատեսելի՝ ստվերայն քննարկումների բացակայությամբ»:
Մանրամասները՝ տեսանյութում:
