28.07.2026 | 11:55
Վերացվել է «Թամարայի» երեք արտադրատեսակի արտադրության կասեցումը․ դրանք անվտանգ են ճանաչվել
Երիտասարդ եք, փորձի պակասը կա․ հաշվարկե՞լ եք դժվարությունները․ Բագրատյանը՝ Վարդապետյանին․ ՏԵՍԱՆՅՈՒԹ
Քաղաքականություն
29.06.2022 | 13:07
ՀՀ Ազգային ժողովը ՀՀ գլխավոր դատախազ է ընտրում։
Հիշեցնենք, որ ՀՀ ԱԺ «Քաղաքացիական պայմանագիր» խմբակցությունը, առաջնորդվելով ՀՀ Սահմանադրությամբ, «Ազգային ժողովի կանոնակարգ» սահմանադրական օրենքով, գլխավոր դատախազի պաշտոնում առաջադրել է Աննա Կարենի Վարդապետյանի թեկնածությունը:
«Դուք համաձայնվել եք ստանձնել բարձր պատասխանատվություն: Երիտասարդ եք, փորձի պակասը կա․ հաշվարկե՞լ եք դժվարությունները»,- դիմելով Աննա Վարդապետյանին հետաքրքրվեց պատգամավոր Սերգեյ Բագրատյանը:
«Ձեր ընտրվելուց հետո հնարավո՞ր է իրականացնել բարեփոխումներ, որոնց արդյունքում, օրինակ, ուշացած արդարադատություն չի իրականացվի, չէ որ կադրային բազան մնացել է նույնը, և հատկապես միջին օղակներում որոշում կայացնելու կարողություն չունեն»,- նշեց պատգամավորը՝ հետաքրքրվելով, թե ինչպես է հնարավոր կյանքի կոչել պատկերացուները, եթե համակարգը տասնյակ տարիներ շարունակ աշխատել է նույն սկզբունքներով:
«Կամքի և ուղղահայաց հարաբերությունների մասին էի խոսում, ի պատասխան Ձեր հարցի՝ կավելացնեմ հետևողականությունը: Ես չեմ գնում պաշտոն զբաղեցնելու, ինձ համար հստակ չափանիշ կա՝ հետևողականություն և հստակ դրված պահանջներ, եթե ուղղահայաց համակարգի մեջ սա ապահովում ես և չես խախտում, եթե բացառում ես օրենքից շրջանցումներն ու արտոնությունները, ցանկացած համակարգ ինքն է արդեն ձգտում այդ մեխանիզմներով աշխատել»,- նշեց Վարդապետյանը:
Մանրամասները՝ տեսանյութում:
