08.12.2025 | 15:00
Փաշինյանը՝ «եկեղեցու նորոգման մասին» // Միքայել արքեպիսկոպոսը, ըստ պատգամավորի, պետք է վիրահատվի․ ԼՈՒՐԵՐ
Արցախում 7 օր գազ չի լինի․ ՔՊ-ն որոշել է պաշտոնից ազատել Իշխան Սաղաթելյանին և Վահե Հակոբյանին․ Լուրեր
28.06.2022 | 19:05
- Արցախում 7 օրով կդադարեցվի գազամատակարարումը։ Արցախգազից հայտնել են, որ վաղվանից գազամատակարարումը դադարեցվելու է Արցախի տարածք մտնող մայրուղային բարձր ճնշման գազատար խողովակի վրա տեխնիկական աշխատանքներով պայմանավորված։
- Պաշտպանության նախարարի, ԶՈւ ԳՇ նպատակներից մեկը այն է, որ ժամկետային զինծառայողներին որքան հնարավոր է առաջնագծից հանեն։ Այս մասին այսօր հայտարարել է ՀՀ ԶՈՒ ԳՇ ներկայացուցիչ Սահակ Սահակյանը:
- «Քաղաքացիական պայմանագիր» խմբակցությունն այսօր նիստ է գումարել և որոշել Ազգային ժողովի նախագահի տեղակալի պաշտոնից հեռացնել «Հայաստան» խմբակցության պատգամավոր Իշխան Սաղաթելյանին, իսկ Վահե Հակոբյանին՝ ԱԺ տնտեսական հարցերի մշտական հանձնաժողովի նախագահի պաշտոնից։ ՔՊ պատգամավորները Factor TV-ին ասել են, որ միջազգային աղմուկից խուսափելու համար այս փուլում որոշել են ընդդիմադիր պատգամավորներին ազատել միայն պաշտոններից և ոչ թե զրկել մանդատից։
- Դատարանն վարույթ է ընդունել ՀՀ տրանսպորտի և կապի նախկին նախարար, Երևանի նախկին քաղաքապետ Գագիկ Բեգլարյանից և նրան փոխկապակցված անձանցից շուրջ 16.8 մլրդ դրամ արժեքով ապօրինի ծագման գույքն ու ակտիվները բռնագանձելու դատախազության հայցադիմումը։
Այս ժամի լուրերը՝ տեսանյութում։
