16.12.2025 | 20:45
Անհիմն են արգելվել ցույցերը․ 2020-ին հայտարարված ռազմական դրության հետքերով. ՏԵՍԱՆՅՈՒԹ
ԲԴԽ-ում Ջհանգիրյանի մասնակցությամբ ձայնագրության հարցով հանձնախումբ է ձևավորվել. Խաչատուրյան․ ՏԵՍԱՆՅՈՒԹ
Հասարակություն
27.06.2022 | 13:33
ԲԴԽ-ում Ջհանգիրյանի մասնակցությամբ ձայնագրության հարցով հանձնախումբ է ձևավորվել
Ձայնագրության բովանդակությանը չեմ կարող գնահատական տալ, որովհետև ԲԴԽ անձնակազմից ձևավորվել է հանձնախումբ, որը կզբաղվի այդ ձայնագրության հարցով»,- այս մասին ԱԺ-ում լրագրողների հետ զրույցում հայտնեց ԲԴԽ անդամ Դավիթ Խաչատուրյանը՝ անդրադառնալով հարցին, թե ինչպես է գնահատում ԲԴԽ նախկին նախագահ Ռուբեն Վարդազարյանի՝ օրեր առաջ հրապարակած ձայնագրությունը:
Հիշեցնենք՝ վարդազարյանի հրապարակած ձայնագրությունը հատված է իր, ԲԴԽ նախագահի պաշտոնակատար Գագիկ Ջհանգիրյանի ու ԲԴԽ անդամ Ստեփան Միքայելյանի՝ 2021 թվականի փետրվարի 20-ին տեղի ունեցած զրույցից, որտեղ Ջհանգիրյանը Վարդազարյանին հորդորում է հրաժարական ներկայացնել և քաղաքական հայտարարություններ է անում:
«Որպեսզի ամբողջական ադեկվատ գնահատական տրվի այդ խոսակցության մասնակիցների արտահայտություններին և կարողանանք համապատասխան եզրակացության գալ, մենք պարոն Վարդազարյանից խնդրել ենք ձայնագրության ամբողջական, մոնտաժով չաղավաղված տարբերակը: Ճիշտ է Վարդազարյանը պայմաններ է նշել ֆեյսբուքյան գրառմամբ, բայց, որպես կողմ, նա չի կարող պայմաններ առաջադրել ԲԴԽ-ին»,- նշեց Խաչատուրյանը:
Նրա խոսքով՝ պետք է բազմակողմանի քննություն իրականացվի քննչական մարմնի կողմից. նախապատրասվում են նյութեր. «Սպասենք քրեդատավարական ընթացակարգով համապատասխան որոշումների կայացմանը»:
Իսկ հարցին, թե ինչպես կգնահատի ԲԴԽ նախագահի պաշտոնակատար Գագիկ Ջհանգիրյանի արտահայտությունները, թե քրգործեր կարող է կարճել, Խաչատուրյանը պատասխանեց, որ դա համարում է որպես գոյություն ունեցող վարկածներից մեկը։
«Ջհանգիրյանն ասել է այն, ինչ ասել է, և ես դա գնահատում եմ որպես իրադրության մեկ այլ վարկած, թե ինչու է այդպես ասվել։ Իսկ թե որ վարկածն է իրականությանը համապատասխանում, իրավապահները կորոշեն»։
Խաչատուրյանը հավելեց, որ իր տեղեկություններով` նախաքննական մարմինը չի դիմել ԲԴԽ, որպեսզի Ջհանգիրյանը բացատրություն տա։ Իսկ ինչ վերաբերվում է Ջհանգիրյանի հրաժարականին, Խաչատուրյանը պարզաբանեց, որ լուրեր չունի, թե Գագիկ Ջհանգիրյանը պատրաստվում է հրաժարական տալ։
Մանրամասները՝ տեսանյութում:
