03.05.2024 | 14:37
Ապօրինի գույքի բռնագանձման 103 հայցադիմում ունենք՝ 526 մլրդ դրամի չափով. Գլխավոր դատախազ․ ՏԵՍԱՆՅՈՒԹ
«Եթե դեմարկացիայի հարցում Հայաստանը կառչած մնա իր հին մարտավարությանը, ապա կզղջա»․ Ալիևը Քարվաճառից սպառնալիքներ է հնչեցրել
Քաղաքականություն
27.06.2022 | 12:27
Ադրբեջանի նախագահ Իլհամ Ալիևը շարունակում է սպառնալիքներ հնչեցնել Հայաստանի հասցեին։ Ադրբեջանական լրատվամիջոցերի փոխանցմամբ՝ Քարվաճառում հերթական զորամասի բացման ժամանակ Ալիևը հայտարարել է, որ Հայաստանի հետ սահմանին Ադրբեջանը շարունակելու է ամրապնդվել։
«Եթե Հայաստանը դեռ շարունակի կառչած մնալ իր հին մարտավարությանը դեմարկացիայի հարցում և փորձի ժամանակ շահել՝ կզղջա։ Մենք ուշադրությամբ հետևում ենք «ռևանշիստական ուժերի» գործողություններին, որոնք Հայաստանում գլուխ են բարձրացնում, թող նրանք դա իմանան»,-ասել է Ալիևը։
Նա նշել է, որ Ադրբեջանը շարունակում է բանակի զարգացման վրա աշխատել և արդեն իրականացվում են ամենաժամանակակից սպառազինությունների գնման նոր պայմանագրերը։
«Պատերազմից հետո ադրբեջանական բանակը այսօր ավելի ուժեղ է՝ սպառազինությամբ ու մարտունակությամբ։ Դրա համար մենք շարունակելու ենք լուրջ քայլեր ձեռնարկել մեր բանակը զարգացնելու ուղղությամբ։ Ստորագրվել են ամենաժամանակակից սպառազինությունների գնման նոր պայմանագրեր։ Այդ պայմանագրերը արդեն իրականացվում են, իսկ Ադրբեջանին մատակարարվում է նոր սպառազինություն և ամենաժամանակակից տեխնիկա ու կշարունակի մատակարարվել»,-ասել է Ալիևը։
Էմմա Չոբանյան
