18.12.2025 | 23:24
ՀՀ տարածքում ավտոճանապարհները հիմնականում անցանելի են
Եթե ես կապ ունենայի՝ չէի վրիպի․ Անի Խաչատրյանը՝ Արման Անտոնյանին․ ՏԵՍԱՆՅՈՒԹ
Քաղաքականություն
21.06.2022 | 16:36
Երևանի ավագանու այսօրվա նիստում անդրադառնալով «Իմ քայլը» խմբակցության անդամ Արման Անտոնյանի հեղինակած՝ Երևանի մի շարք համայնքային ոչ առևտրային կազմակերպություններ վերակազմակերպելու, անվանափոխելու, կանոնադրությունները նոր խմբագրությամբ հաստատելու մասին նախագծին՝ «Լույս» խմբակցության անդամ Անի Խաչատրյանը նշեց, որ նախագիծը չի քննարկվել Երևանի քաղաքապետարանի իրավական վարչությունում, և այն չի կարող այսօրվա նիստում դրվել քվեարկության, իսկ եթե մտնի օրակարգ, ինքը կդիմի դատարան՝ այն չեղարկելու համար:
Խաչատրյանի դիտարկմամբ՝ նախագծի հեղինակը ավագանու անդամների հարցերին կոնկրետ պատասխաններ չի տալիս. «Անուն-ազգանուններ ենք հարցնում, թե ում հետ է քննարկվել նախագիծը, ոչ թե իր կենսագրությունը: Իր կենսագրության մեջ մի հատ շատ վատ «չեպե» կա, գիտենք դրա մասին»:
Անտոնյանն արձագանքեց՝ նշելով, թե անհրաժեշտություն կա դատախազությունից կրկին մարդ հրավիրել:
«Եթե ես կապ ունենայի՝ Դուք կենդանի չէիք լինի, ես չէի վրիպի»,- նշեց Խաչատրյանը:
Մանրամասները՝ տեսանյութում:
