17.12.2025 | 11:45
Հայկ Սարգսյանի ճեպազրույցը. ՈՒՂԻՂ
Վրաստանի գործընկերները չեն բացահայտում` որ երկրից է կապիկի ծաղիկի վիրուսը մուտք գործել․ ՏԵՍԱՆՅՈՒԹ
Քաղաքականություն
16.06.2022 | 15:11
Վրաստանում հաստատվել է կապիկի ծաղիկով վարակվելու առաջին դեպքը։ Վրաստանի գործընկերները չեն բացահայտում` որ երկրից է կապիկի ծաղիկի վիրուսը մուտք գործել:
Այսօր հրավիրված ասուլիսում ՀՀ առողջապահության նախարարութան Հիվանդությունների վերահսկման և կանխարգելման ազգային կենտրոնի մարդու և կենդանիների ընդհանուր և մակաբուծային հիվանդությունների համաճարակաբանության բաժնի պետ Լուսինե Պարոնյանը տեղեկացրեց, որ երեկվա դրությամբ աշխարհում՝ 34 երկրում, արձանագրվել է 1704 դեպք՝ հիմնականում երիտասարդ տղամարդկանց շրջանում:
«Կենտրոնական աֆրիկյան շրջախմբին պատկանող վիրուսներն ավելի ծանր ընթացք են ունենում և մահվան դեպքեր են լինում: Այս պահին ոչ էնդեմիկ երկրներում՝ ԱՄՆ-ում, Եվրոպայում, Ավստրալիայում արձանագրված դեպքերը արևմտյան աֆրիկյան շտամին են պատկանում»,- նշեց համաճարակաբանը:
Նշենք, որ կապիկի ծաղիկը վիրուսային հիվանդություն է, այն հիմնականում փոխանցվում է սերտ շփման միջոցով: Կապիկի ծաղիկը վիրուսների նույն ընտանիքում է, ինչ պատվաստումներով հաղթահարված խիստ մահացու բնական ծաղիկ հիվանդությանը, բայց ի տարբերություն ծաղիկ հիվանդության՝ կապիկի ծաղիկն ավելի մեղմ ընթացք ունի:
Մանրամասները՝ տեսանյութում:
