17.11.2024 | 11:44
Եթե ՀՀ-ն չի ցանկանում մասնակցել COP29-ին, ուրեմն որոշակի խնդիրներ ունի «կանաչ օրակարգի» հետ․ Հաջիև
«Ավելի լավ իրավիճակ ունենք». Պետգույքի կառավարման կոմիտեի նախագահը՝ «պադավատապետությունից» անցում կատարելու մասին․ ՏԵՍԱՆՅՈՒԹ
Հասարակություն
14.06.2022 | 12:44
«Կարող ենք հստակ արձանագրել, որ այն գործողությունները, որոնք իրականացրել է կառավարությունը 2018 թվականից հետո՝ գերատեսչություններին ամրացված պետական սեփականություն հանդիսացող շարժական գուքի, այդ թվում՝ նաև մեքենաների շահագործման օպտիմալացման տեսանկյունից, արդեն իսկ արդյունք են ցույց տվել»,- այս մասին ԱԺ նիստում նշեց Պետական գույքի կառավարման կոմիտեի նախագահ Առնակ Ավետիսյանը՝ անդրադառնալով ԱԺ փոխնախագահ Հակոբ Արշակյանի հարցին, թե ինչ բարեփոխումներ են իրականացվում, ինչ է տեղի ունենում «պադավատապետությունից» անցում կատարելու ընթացքում:
«Ունենք էականորեն ավելի լավ իրավիճակ այդ ոլորտում, բայց, իհարկե, իրավիճակը դեռևս գոհացուցիչ չենք կարող համարել, մշակում ենք նորմատիվներ՝ վարչապետի հանձնարարությամբ և համագործակցելով այլ գերատեսչությունների հետ: Պետական գույքի կառավարման կոմիտեն ևս այդ առումով ունի հստակ լիազորություններ, աշխատանքներն ընթացքի մեջ ենք, շուտով կունենանք ավելի լավ կանոնակարգված դաշտ և կմոտենանք խնդրի՝ մեր պատկերացրած լուծմանը, որը սահմանել ենք կառավարության ծրագրով»,- նշեց Ավետիսյանը:
Մանրամասները՝ տեսանյութում:
