17.11.2024 | 13:38
Շախմատի Եվրոպայի անհատական առաջնություն․ հայ շախմատիստները պայքարում են մեդալների համար
Բացահայտվել է Նորատուսում կատարված բնակարանային գողությունը
Հասարակություն
07.06.2022 | 17:37
Հունիսի 2-ին ոստիկանության Գավառի բաժնում հաղորդում էր ստացվել, որ տեխնիկական միջոցներով բացել են Նորատուս գյուղի Մամիկոնյան փողոցի առանձնատան պատուհանը և գողացել գազի կաթսա, ջեռուցման 28 մարտկոց և հեռուստացույց․ տեղեկացնում են ՀՀ ոստիկանությունից։
«Գողությունը բացահայտելու ուղղությամբ բաժնի ծառայողների ձեռնարկած օպերատիվ-հետախուզական միջոցառումների արդյունքում ստացվեցին տեղեկություններ, որոնց ստուգման նպատակով ՔՈԳՎ, Գեղարքունիքի մարզային վարչության և Գավառի բաժնի ծառայողները ձեռնարկեցին համատեղ միջոցառումներ։ Ճշտվեց հանցագործության ենթադրյալ կատարողի ինքնությունը։ Բացատրական աշխատանքի արդյունքում հունիսի 3-ին 23-ամյա երիտասարդը ներկայացավ ոստիկանության Գավառի բաժին։ Նա հայտնեց, որ մայիսի լույս 29-ի գիշերը մտել է նշված առանձնատուն ու գողություն արել։
Երիտասարդը ներկայացվել է նախաքննական մարմնին։ Գողոնը մասամբ հայտնաբերվել է։ Քրեական գործի նախաքննությունը շարունակվում է»,- ասված է հաղորդագրությունում։
