16.09.2026 | 18:55
Հայտնի է՝ ով է Սիմոնյանի նշած քրեական հեղինակությունը, որը, ըստ նրա, Հայկ Սարգսյանի ընտանիքի ընկերն է
Կրեմլի քննադատ ռուս լրագրող Ալեքսանդր Նևզորովն ու նրա կինը Ուկրաինայի քաղաքացիություն են ստացել
Քաղաքականություն
03.06.2022 | 18:26
Ռուս հայտնի լրագրող Ալեքսանդր Նևզորովը և նրա կինը ստացել են Ուկրաինայի քաղաքացիություն։ Այս մասին այսօր հայտնել է Ուկրաինայի ՆԳՆ ղեկավարի անկախ խորհրդական Անտոն Գերաշչենկոն, իսկ ավելի ուշ BBC-ի ռուսական ծառայությանը հաստատել է ՆԳ նախարարի խորհրդական Վիկտոր Անդրուսիվը։
Ուկրաինայի նախագահ Վլադիմիր Զելենսկիի հրամանագիրը դեռ չի հրապարակվել։ Ինքը՝ Նևզորովը, Telegram-ի իր ալիքում գրել է, որ երախտապարտ է Ուկրաինայի հյուծված, հուսահատ, արյունոտ ժողովրդին, որ իրեն թույլ են տվել տեղ զբաղեցնել իրենց մեջ։
Ռուսաստանում լրագրողը Բասմանի դատարանի կողմից հեռակա կալանավորվել է, նրա նկատմամբ հետախուզում է հայտարարվել «զինվորական ֆեյքերի» գործով։ Պատճառը Instagram-ում և YouTube-ում Մարիուպոլի ծննդատան հրետակոծության մասին հրապարակումներն էին։
Ուկրաինական պատերազմի մեկնարկից ի վեր Նևզորովը շատ կոշտ է արտահայտվում ռուսական ղեկավարության հասցեին՝ Ուկրաինա ներխուժման որոշում կայացնելու համար։
Էմմա Չոբանյան
