26.03.2026 | 13:02
60 մլն ԱՄՆ դոլար․ Ամերիաբանկը միացել է ՀՀ-ում Firebird-ի արհեստական բանականության տվյալների կենտրոնի կառուցման ֆինանսավորմանը
Չեն գալիս, որովհետև վախենում են. Վարդևանյանը` տապալված արտահերթ նիստի մասին․ ՏԵՍԱՆՅՈՒԹ
Քաղաքականություն
03.06.2022 | 17:26
Ազգային ժողովի «Հայաստան» և «Պատիվ ունեմ» խմբակցությունները ԱԺ արտահերթ նիստ էին հրավիրել, սակայն այն չկայացավ, քվորում չապահովվեց:
«Քաղաքացիական պայմանագիր» խմբակցությունը հայտարարել է՝ չի տրվելու ընդդիմության քաղաքական շանտաժին և չի մասնակցելու ԱԺ արտահերթ նիստին։
Նշենք, որ խորհրդարանի ընդդիմադիր խմբակցությունները նիստը նախաձեռնել էին հայ-ադրբեջանական և հայ-թուրքական հարաբերությունների խնդիրը քննարկելու նպատակով։
Ֆրանսիայի հրապարակում ընդդիմության հրավիրած հանրահավաքում «Հայաստան» խմբակցության պատգամավոր Արամ Վարդևանյանը, անդրադառնալով ԱԺ արտահերթ նիստի տապալմանը, նշեց. «Մեր ներկայացրած յոթ կետերը բխում են ՀՀ հռչակագրից, ՀՀ Սահմանադրությունից, մեր պատվից, հայ մարդու պատկերացումից, մինչդեռ Հայաստանի Ազգային ժողովում ներկա էին ընդդիմադիր խմբակցություններ և վերջ: Իշխանական պատգամավորները չեն գալիս, որովհետև վախենում են. լուծումը մեկն է՝ առանց Նիկոլ Հայաստան»:
Մանրամասները՝ տեսանյութում:
