06.11.2024 | 20:18
Ադրբեջանի ռազմածովային ուժերը մարտավարական զորավարժություններ են անցկացրել
Պեսկովը հայտարարել է, որ Դոնբասում «հանրաքվեն ներկա պայմաններում դժվար թե հնարավոր լինի»
Քաղաքականություն
02.06.2022 | 20:54
Ռուսաստանի նախագահի մամուլի խոսնակ Դմիտրի Պեսկովը հայտարարել է, որ ուկրաինական գրավված տարածքներում հանրաքվեի անցկացումը ներկա պայմաններում դժվար թե հնարավոր լինի՝ հավելելով, որ նախ պետք է ապահովել այդ տարածքների անվտանգությունը։ Այս մասին գրում է BBC-ի ռուսական ծառայությունը։
«Հանրաքվեների վերաբերյալ որոշումները Կրեմլում չէ, որ պետք է կայացվեն։ Մենք բազմիցս ասել ենք, որ այդ տարածքներում ապրող մարդիկ իրենք պետք է որոշեն իրենց ճակատագիրը: Նախ՝ դա պետք է լինի այս մարդկանց որոշումը, երկրորդ՝ դրա համար, իհարկե, պետք է համապատասխան պայմաններ ստեղծել»,- ասել է Պեսկովը։
Երեկ ՌԴ Պետդումայի միջազգային հարցերով կոմիտեի ղեկավար Լեոնիդ Սլուցկին հայտարարել էր, որ Ռուսաստանի կողմից գրավված տարածքներում հանրաքվե կարող է անցկացվել արդեն հուլիսին։
