28.07.2026 | 15:00
Պեսկովն ասել է, թե Փաշինյանը Պուտինին չի հայտնել ԵՄ-ին Հայաստանի անդամակցության հանրաքվեի անցկացման ժամկետները
Էրդողանն ազդարարել է Սիրիայում նոր ռազմական գործողության մեկնարկի մասին
Քաղաքականություն
01.06.2022 | 15:50
Թուրքիայի նախագահ Ռեջեփ Թայիփ Էրդողանը խորհրդարանում իշխող «Արդարություն և զարգացում» կուսակցության խմբակցության նիստի ժամանակ ունեցած ելույթում ազդարարել է Սիրիայի հյուսիսում նոր ռազմական գործողության մասին, գրում է «Անադոլու» գործակալությունը։
Նշվում է, որ Էրդողանը հայտարարել է նոր «հակահաբեկչական գործողության մասին Սիրիայում»։
«Սիրիայում սկսվում է «անվտանգությա գոտու» ձևավորման նոր փուլ Թուրքիայի սահմանից 30 կմ խորությամբ։ Մենք մաքրում ենք Թալլ-Ռիֆաթն ու Մանբիջը ահաբեկիչներից»,- ասել է Էրդողանը։
Նրա խոսքով՝ Թուրքիայի հետ սահմանամերձ մյուս շրջանները զինյալներից «մաքրելու» նոր փուլեր են լինելու:
«Տեսնենք՝ ինչպիսին կլինի արձագանքը Թուրքիայի օրինական քայլերին անվտանգության ոլորտում»,- ասել է Թուրքիայի նախագահը։
Հիշեցնենք, որ Սիրիայի հյուսիսում նոր ռազմական հարձակման իրականցման հնարավորության մասին Էրդողանը դեռ նախորդ շաբաթ էր հայտարարել։
Էմմա Չոբանյան
