28.07.2026 | 15:10
Թուրքիան նորոգում է Գյումրի տանող երկաթուղային հատվածը // Կամո Արեյանի գործը դատարանում է․ ԼՈՒՐԵՐ
Տրանսպորտի լուրջ խնդիր կա Երևանում․ գլխավոր հատակագծով պետք է լուծենք խնդիրը․ Արմեն Ղուլարյան․ ՏԵՍԱՆՅՈՒԹ
Քաղաքականություն
01.06.2022 | 14:08
«Երևանի քաղաքապետարանի կողմից իրականացվում են մայրաքաղաքի գլխավոր հատակագծի մշակման ուղղությամբ աշխատանքներ»,- այս մասին ԱԺ մշտական հանձնաժողովների համատեղ նիստում «Հայաստանի Հանրապետության 2021թ. պետական բյուջեի կատարման մասին» տարեկան հաշվետվության ներկայացման ժամանակ հայտնեց Քաղաքաշինության կոմիտեի նախագահ Արմեն Ղուլարյանը:
Նրա խոսքով՝ կոմիտեն իրեն վերապահված լիազորությունների շրջանակներում անդրադարձ է ունեցել գլխավոր հատակագծի առաջադրանքին։ «Առաջադրանքն արդեն հաստատված է, և շուտով կմեկնարկեն գլխավոր հատակագծի մշակման աշխատանքները, հիմնական քաղաքաշինական փաստաթուղթը կկանոնակարգի Երևանում կառուցապատման գործընթացները»,- նշեց Ղուլարյանը։
Քաղաքաշինության կոմիտեի նախագահի դիտարկմամբ՝ Երևանում այսօր արդեն իսկ կան տրանսպորտային լուրջ խնդիրներ։
«Այսօր այն քաղաքաշինական փաստաթուղթը, որը պետք է կանոնակարգի ոլորտը, առաջին հերթին գլխավոր հատակագիծն է։ Եվ, կարծում եմ, օր առաջ պետք է կարողանանք սկսել մշակումը և ավարտին հասցնել այդ կարևորագույն փաստաթուղթը, որի համաձայն նաև պետք է կառուցապատվի մեր մայրաքաղաքը»,- նշեց Ղուլարյանը։
Մանրամասները՝ տեսանյութում:
