19.05.2026 | 12:15
Երևանում խուզարկություններ են // ՀՀ-ն տեղական արտադրության զենք է արտահանել․ ԼՈՒՐԵՐ
Ռուսաստանի ՊՆ-ն հայտնել է միջուկային հրթիռների կիրառմամբ վարժանքների անցկացման մասին
Քաղաքականություն
01.06.2022 | 13:33
Լուրեր
19.05.2026 | 11:31
Հրապարակվել է Սոնա Մնացականյանի վրաերթի գործով Վերաքննիչ դատարանի որոշումը. ՈՒՂԻՂ
19.05.2026 | 11:30
Ռուսական զորքերը հարվածել են Ուկրաինայի մի քանի շրջանների. զոհեր և վիրավորներ կան
ՌԴ Իվանովոյի մարզում զորավարժություններ են սկսվել «Յարս» շարժական հրթիռային համակարգերի կիրառմամբ, հայտնել է ՌԴ Պաշտպանության նախարարությունը։ Գերատեսչության տվյալներով՝ զորավարժություններին ներգրավված է ավելի քան հազար զինվորական և 100 միավոր տեխնիկա, փոխանցում է BBC-ի ռուսական ծառայությունը։
«Միաժամանակ, մի շարք միջոցառումներ են ձեռնարկվում՝ պայմանական դիվերսանտներին հայտնաբերելու, արգելափակելու և ոչնչացնելու համար, այդ թվում՝ անօդաչու թռչող սարքերով հագեցած նոր «Թայֆուն-Մ» մարտական հակադիվերսիոն մեքենաների կիրառմամբ»,- ասվում է հայտարարության մեջ։
«Յարս»-ն ի վիճակի է խոցել թիրախները մինչև 11․000 կմ հեռավորության վրա, այն հագեցած է անջատվող գլխային մասով՝ մանևրելու անհատական կառավարման բլոկներով։
«Յարս» հրթիռներով վարժանքներ ավելի վաղ անցկացվել են ապրիլի սկզբին և փետրվարի կեսերին՝ պատերազմի մեկնարկից մի քանի օր առաջ (այդ ժամանակ ներկա էին Վլադիմիր Պուտինն ու Ալեքսանդր Լուկաշենկոն)։
Նախագահ Վլադիմիր Պուտինի հրամանով փետրվարի 27-ին Ռուսաստանի զսպման ուժերն անցել են մարտական հերթապահության հատուկ ռեժիմի. դրանցում ներառված են նաև ռազմավարական միջուկային ուժերը։ Անցյալ շաբաթ Մեծ Բրիտանիայում Ռուսաստանի դեսպան Անդրեյ Կելինը BBC-ին տված հարցազրույցում ասել էր, որ ռուսական զինված ուժերը մարտավարական միջուկային զենք չեն օգտագործի Ուկրաինայի դեմ պատերազմում։
Տաթև Ֆռանգյան
