01.11.2024 | 23:19
Հրդեհ Գյումրու տներից մեկում
Բնակարանի ու ավտոմեքենայի առք ու վաճառք կանխիկով հնարավոր չի լինելու իրականացնել. Փաշինյան․ ՏԵՍԱՆՅՈՒԹ
Տնտեսություն
31.05.2022 | 14:04
Հայաստանում բնակարանի ու ավտոմեքենայի առք ու վաճառք կանխիկ եղանակով հնարավոր չի լինելու իրականացնել. բնակարան ու ավտոմեքենա հնարավոր կլինի գնել միայն անկանխիկ եղանակով: Այս մասին այսօր Ազգային ժողովում բյուջեի կատարողականի քննարկման ժամանակ նշեց վարչապետ Նիկոլ Փաշինյանը:
«Օրենսդրական կարգավորումներ ենք ընդունում, որ, օրինակ՝ բնակարանի առքուվաճառք հնարավոր չի լինելու իրականացնել կանխիկով: Կամ՝ հնարավոր է լինելու իրականացնել, պարզապես հետագայում վիճարկվելու դեպքում այդ գործարքն իրավական ուժ չի ունենալու: Հետևաբար ուզում եմ բոլորիս ուշադրությունը հրավիրել, որ բնակարան և ավտոմեքենա ձեռք բերել հնարավոր չի լինելու կանխիկով: Բոլոր գործարքները պետք է տեղի ունենան անկանխիկ եղանակով: Սա իր հերթին բերելու է լրացուցիչ ֆիսկալ էֆեկտների»,- ասաց վարչապետը:
Փաշինյանն ընդգծեց նաև, որ ներդրվելու համընդհանուր հայտարարագրման համակարգ. «Հայաստանի Հանրապետության բոլոր քաղաքացիները պետք է հայտարարագրեն իրենց եկամուտները, որն ուժի մեջ կմտնի արդեն 2024 թվականին 2023 թվականի եկամուտների համար, որը նույնպես շատ կարևոր և՛ տնտեսական, և՛ քաղաքական, և՛ քաղաքակրթական նշանակություն ունի»:
Մանրամասները՝ տեսանյութում:
