06.10.2026 | 17:37
«Կողք կողքի» միջազգային ներառական փառատոնի մասնակիցները Ազատության հրապարակում հանդես են եկել անվանի արտիստների հետ
Ուզում եք ասեմ՝ կհրամայեմ դատավորին, նա կընդունի՞․ Ջհանգիրյանը՝ զինծառայողների ծնողներին․ ՏԵՍԱՆՅՈՒԹ
Հասարակություն
26.05.2022 | 17:32
Այսօր՝ մայիսի 26-ին, Բարձրագույն դատական խորհրդի նախագահի պաշտոնակատար Գ. Ջհանգիրյանը և ԲԴԽ անդամներ Ա. Մխիթարյանը, Ս. Միքայելյանը, Դ. Խաչատուրյանը ընդունել են 44-օրյա պատերազմի ընթացքում զոհված զինծառայողների ծնողներին և հարազատներին:
«Որոշ քաղաքական ուժեր ձեր ցավը, ձեր վիշտն ուզում են օգտագործել իրենց կարիքների համար, իսկ ես չեմ ուզում, որ ձեր վիշտն ու ցավը գործիք դառնա ուրիշի ձեռքում»,- նշեց Ջհանգիրյանը:
Զոհված զինծառայողի մայր Կարին Տոնոյանը հորդորեց երբևէ չօգտագործել այն արտահայտությունը, թե փորձում են իրենց օգտագործել. «Մենք օգտագործվող մարդիկ չենք, ընդհակառակն՝ մենք կարող ենք օգտագործել քաղաքական ուժերին, որովհետև մեր զավակների շնորհիվ է, որ իրենք գոյություն ունեն: Մեզ համար բոլոր քաղաքական ուժերը նախկիններ են… Մենք այստեղ ենք մեր արդար պահանջը ներկայացնելու համար»:
Նշենք, որ զոհվածների ծնողները պահանջում են, որպեսզի վարչապետ Նիկոլ Փաշինյանի դեմ քրեական գործ չհարուցելու որոշման դեմ բողոքի քննությունն անցնի դռնբաց։ Բացի դրանից, նրանք ուզում են երրորդ անձի կարգավիճակ ստանալ, որպեսզի կարողանան մասնակցել նիստերին և հարցեր ուղղելու հնարավորություն ունենան։
Մանրամասները՝ տեսանյութում։
