08.05.2025 | 10:31
Ձերբակալվել է ավագանու ընդդիմադիր անդամի մեքենայի հրկիզման մեջ կասկածվող մեկ անձ
Հրապարակվել է հայկական արբանյակի արձակման ՏԵՍԱՆՅՈՒԹԸ
Քաղաքականություն
26.05.2022 | 11:19
Արդեն հայտնել էինք, որ Հայաստանը SpaceX ընկերության Falcon 9 հրթիռով դիտարկման արբանյակ է դուրս բերել Երկրի ուղեծիր։ ՀՀ ԱԺ փոխնախագահ Հակոբ Արշակյանը ֆեյսբուքյան էջում մանրամասներ է հայտնել արձակումից։
«25 մայիս 2022, Երևանի ժամանակով ժամը 22:35, ԱՄՆ Ֆլորիդայի նահանգի Cape Canaveral Space Force Station կայանից SpaceX ընկերության Falcon 9 հրթիռով թողարկվել է Transporter-5 տիեզերանավը, որը Երկրի ուղեծիր է դուրս բերել 59 փոքր արբանյակներ, այդ թվում նաև հայկական՝ Երկրագնդի դիտարկման արբանյակը։
Ավելորդ կլինի ասելը, թե որքան ջանք է ներդրվել այս աշխատանքի իրագործման նպատակով, ցանկանում եմ հատուկ շնորհակալություն հայտնել բոլոր այն մարդկանց, ովքեր աշխատել և աշխատում են տիեզերքի ոլորտում քաղաքականության մշակման, ծրագրերի կազմման և իրագործման ուղղությամբ։
Անձամբ ՀՀ Վարչապետ Նիկոլ Փաշինյանի՝ նման ռազմավարական նշանակության նորարարական ծրագրերին աջակցությունը, ինչպես նաև ԱԺ կողմից հաստատված Կառավարության ծրագրի առաջնահերթությունները նոր հորիզոններ են բացում Հայաստանում գիտական և տեխնոլոգիական առաջընթացի համար։
Տեսանյութում դիտեք է Transporter-5 տիեզերանավի թողարկման կադրերը»,- գրել է Արշակյանը։
