19.12.2025 | 03:00
Կոնֆերենցիաների լիգա. «Նոայի» հավանական մրցակիցները փլեյ-օֆֆում
1 ամիս է՝ ընդդիմադիր պատգամավորները չեն ներկայանում աշխատանքի․ մենք ենք իրենց գործն անում․ Բաբկեն Թունյան․ ՏԵՍԱՆՅՈՒԹ
Քաղաքականություն
25.05.2022 | 13:24
Մեկ ամիս է, որ ընդդիմադիրները չեն ներկայանում և չեն կատարում աշխատանքային պարտականությունները: ԱԺ լիագումար նիստում այս մասին արձանագրեց «Քաղաքացական պայմանագիր» խմբակցութան պատգմավոր Բաբկեն Թունյանը, երբ քննարկվում էր պատգամավոր Սերգեյ Բագրատյանի հեղինակած օրինագիծը, որով ԱԺ քննիչ հանձնաժողովների գործունեության ժամկետն առաջարկվում է սահմանել ոչ թե վեց ամիս, այլ մեկ տարի՝ ևս վեց ամսով երկարաձգման հնարավորությամբ։
«Ստացվում է, որ մենք իրենց գործն ենք անում հերիք չի, մի բան էլ փորձում են դրան խանգարել։ Անկախ դրանից՝ պետական ինստիտուտները շարունակելու են նորմալ աշխատել։ Ինձ հաճախ հարցնում են, թե երբ են գալու ԱԺ, ինչ է լինելու, բայց պատասխանը չունեմ իրենց փոխարեն։ Տեղից մտածելու հարցերը շատ են։ Ես այլևս չեմ պատկերացնում, թե մտահոգություններ հնչեցնելուն զուգահեռ՝ ինչպե՞ս կարելի է նման անպատասխանատու կերպով վերաբերվել սեփական աշխատանքին։ Ուրախ կլինեի, որ ընդդիմադիր գործընկերները նստած լինեին այստեղ, և իրենց նայելով՝ բոլոր հարցերը հնչեցնեի»,- նշեց իշխանական պատգամավորը:
Մանրամասները՝ տեսանյութում:
