15.11.2024 | 23:30
Թուրքիայի նախագահականը հերքում է Էրդողանի և նրա դաշնակից Բահչելիի միջև տարաձայնությունները քրդական հարցի շուրջ
Վահրամ Բաղդասարյանը նույն գետն է մտնում երկրորդ անգամ
Քաղաքականություն
02.05.2018 | 21:44
Ազգային ժողովի ՀՀԿ խմբակցության նիստից հետո խմբակցության ղեկավար Վահրամ Բաղդասարյանը կարդաց հայտարարությունը, որի տեքստի գլխավոր ասելիքը հետևյալն էր. «Հայաստանի Հանրապետությունը մայիսի 8-ին ունենալու է սահմանադրական ճանապարհով ընտրված վարչապետ: Հայաստանի Հանրապետական կուսակցությունը վարչապետի թեկնածու չի առաջադրելու: Հայաստանի Հանրապետական կուսակցությունը խորհրդարանի 1/3-ի կողմից առաջադրված թեկնածուին աջակցելու է դառնալ վարչապետ:
Կոչ ենք անում անհապաղ վերացնել տիրող անընդունելի վիճակը, բացել մայրաքաղաքի ու հանրապետության փողոցներն ու մայրուղիները, շտապ դադարեցնել օդանավակայանի հերթական շրջափակումը, դադարեցնել անհանդուրժողականության քարոզը և վերադառնալ սահմանադրական ճանապարհով ենթադրվող անհրաժեշտ գործողությունների դաշտ»:
Զավեշտալի զուգադիպությամբ, երեք օրվա մեջ երկրորդ նման հայտարարությունն է կարդում Վահրամ Բաղդասարյանը:
Ապրիլի 30-ին՝ Նիկոլ Փաշինյանի հետ հանդիպումից հետո, Վահրամ Բաղդասարյանը հայտարարեց. «Ես բառացիորեն նրան ասել եմ՝ եթե ԱԺ երեք խմբակցություններն ունեն միասնական թեկնածու, մենք որևէ խոչընդոտ չենք հանդիսանա թեկնածուին, որին կանվանեն ժողովրդի թեկնածու:
Մենք նաև կոչ ենք արել, առաջարկել ենք, որ ժողովրդի հանգիստը չխանագարվի, դադարեցվեն այս ճանապարհների փակումները, միտինգները, սա է եղել մեր պայմանավորվածությունը»:
Փաստորեն, երկրորդ անգամ է Վահրամ Բաղդասարյանը հայտարարություն անում Նիկոլ Փաշինյանին աջակցելու մասին ու երկրորդ անգամ է կոչ անում դադարեցնել բողոքի ցույցերը: Նիկոլ Փաշինյանն առաջին անգամ վստահեց, հավատաց և դադարեցրեց ճանապարհների փակումը և բավարարվեց միայն հանրահավաք անելով: Իսկ Վահրամ Բաղդասարյանն անձամ չպահեց խոստումը:
Եվ հիմա նա նույն խոստումը տալիս է և նույն կոչն անում:
