20.04.2026 | 12:44
Ուկրաինական ԱԹՍ-ները կրկին Տուապսեի նավթավերամշակման գործարանին են հարվածել. մեկ մարդ է զոհվել
Բուհերի շուրջ 160 մասնագիտություններում դիմոդներ չկան․ սա նորություն է․ ՏԵՍԱՆՅՈՒԹ
Հասարակություն
19.05.2022 | 12:31
«Ընդունելություն-2022. դիմում-հայտերի ամփոփում» թեմայով հրավիրված ասուլիսի ժամանակ Գնահատման և թեստավորման կենտրոնի փոխտնօրեն Կարո Նասիբյանը հայտարարեց, թե որոնք են դիմորդների շրջանում տարբեր բուհերի ամենապահանջված մասնագիտությունները:
«Առաջին տեղում Մխիթար Հերացու անվան բժշկական համալսարանի բուժական գործ, երկրորդ տեղում՝ ԵՊՀ-ի ինֆորմատիկայի և կիրառական մաթեմատիկա, երրորդ տեղում Հայաստանի պետական տնտեսագիտական համալսարանի կառավարում, չորրորդ տեղում՝ ԵՊՀ-ի իրավագիտություն, հինգերորդ տեղում՝ Հայաստանի պետական տնտեսագիտական համալսարանի ֆինանսներ ուղղություններն են: Այս ուղղություններով մրցակցությունը շատ մեծ է լինելու:
Նասիբյանը նաև ընդգծեց, որ բուհերի շուրջ 160 մասնագիտություններում դիմոդներ չկան։
«Ունենք մասնագիտություններ, որոնք ընդհանրապես չեն դիմել: Խոսքը, մոտավորապես, 160 մասնագիտությունների մասին է: Ինձ համար առավել զարմանալի էր, որ Շիրակի մարզի Մ. Նալբանդյանի անվան պետական համալսարանի մաթեմատիկայի ուղղությամբ որևէ մեկը չի դիմել: Նույն ուղղությամբ որևէ դիմում չկա Վանաձորի Հ. Թումանյանի անվան պետական համալսարանում: Հասկանալի չէ նաև այն, որ Երևանի թատրոնի և կինոյի պետական ինստիտուտում թատերագիտության, կինոգիտության գծով որևէ դիմորդ չկա: Դիմորդ չկա նաև Կոնսերվատորիայի ազգային նվագարանների գործիքների՝ շվիի, սրնգի, տավղի բաժիններում: Դիմորդ չկա ջութակի, դիրիժորական բաժնում»,- ասաց Կարո Նասիբյանը:
Մանրամասները՝ տեսանյութում։
