15.12.2025 | 23:44
Ադրբեջանը պետք է դադարեցնի անձանց հսկողության MIRAS համակարգի ներդրումը. HRW
Ուկրաինայում դիֆթերիայի և խոլերայի բռնկումների աճի վտանգ կա․ դեպքեր արդեն գրանցվել են
Քաղաքականություն
13.05.2022 | 22:18
Ուկրաինայում պատերազմի ժամանակ դիֆթերիայի և խոլերայի բռնկումների աճի վտանգ կա, դեպքեր արդեն գրանցվել են։ ՈւՆԻԱՆ-ի փոխանցմամբ՝ այս մասին հայտարարել է Իմունոպրոֆիլակտիկայի գծով փորձագետների ազգային տեխնիկական խմբի վարակաբան Ֆյոդոր Լապինը։
«Պատերազմի ժամանակ դիֆթերիայի դեպքերի աճի վտանգ կա, Տերնոպոլի շրջանում ունենք դիֆթերիայի դեպք, և սա առաջին, բայց վերջին դեպքը չէ»,- ասել է նա։
Մասնագետի խոսքով՝ կան նաև այլ վարակներ, որոնց տարածումը կարող է աճել։
«Օրինակ, Մարիուպոլում նախկինում ևս ծովում հայտնաբերվել էին խոլերայի հարուցիչներ, նաև ենթակառուցվածքների խախտումները, բնակչության՝ մաքուր խմելու ջրի հասանելիությունը կարող է հանգեցնել այնպիսի վտանգավոր հիվանդությունների, ինչպիսին խոլերան է»,- բացատրել է բժիշկը։
Նա հորդորել է չափահաս ուկրաինացիներին՝ վերսկսել 10 տարին մեկ իրականացվող փայտացման և դիֆթերիայի դեմ պատվաստումները։
«Մարզերում բավականաչափ պատվաստանյութեր կան, թեև օկուպացված տարածքներում իրավիճակը ծայրաստիճան ողբերգական է»,- ասել է նա։
Տաթև Ֆռանգյան
