Քաղաքականություն
26.11.2024 | 16:56
Ֆրանսիան պատրաստվում է Ուկրաինային հակաօդային հրթիռներ և այլ զինատեսակներ մատակարարել՝ օգտագործելով ռուսական սառեցված ակտիվներից ստացված եկամուտները, հայտարարել է Ֆրանսիայի պաշտպանության նախարար Սեբաստիան Լըկորնյուն, փոխանցում է The Moscow Times-ը։
«Ֆրանսիացի հարկատուներն ուրախ կլինեն իմանալ, որ մենք նոր տարբերակներ ենք գտել Ուկրաինային մեր աջակցությունը ֆինանսավորելու համար: Առաջիկա շաբաթների ընթացքում մենք միջոցներ կձեռնարկենք այդ ուղղությամբ, մասնավորապես, Կիևին կմատակարարենք «Միստրալ» հակաօդային պաշտպանության հրթիռներ, ինչպես նաև այլ զինատեսակներ, այդ թվում՝ Իտալիայի հետ համատեղ՝ օգտագործելով ռուսական սառեցված ակտիվներից ստացված եկամուտները»,- ասել է Լըկորնյուն Գերմանիայի, Մեծ Բրիտանիայի, Իտալիայի, Լեհաստանի և Ֆրանսիայի պաշտպանության նախարարների հետ բանակցություններից հետո:
Նրա խոսքով՝ Ֆրանսիան նաև կշարունակի ուկրաինացի զինվորների վերապատրաստումը և պատրաստվում է մեծացնել դրա հնարավորությունները։
Լըկորնյուն ասել է, որ վերջերս ուկրաինական «Աննա Կիևսկայա» բրիգադից 2300 զինվոր, որոնք վերապատրաստվել էին Շամպանյի ուսումնական բազաներում, վերադարձել են Ուկրաինա։
Թարգմանությունը՝ Տաթև Ֆռանգյանի
