14.12.2025 | 11:32
ՃՏՊ Սիսիան-Երևան ավտոճանապարհի․ կա տուժած
«Պետք է անցյալը դարձնել աստիճան, որից կարելի է հաջորդ աստիճանին բարձրանալ». ապոլիտիկ զրույց Վարդան Հարությունյանի հետ. ՏԵՍԱՆՅՈՒԹ
Հաղորդաշարեր
14.05.2022 | 21:02
Factor TV-ի A-politic հաղորդաշարի հյուրն է իրավապաշտպան Վարդան Հարությունյանը: Նա անդրադարձել է 1968 թվականին Կարմիր հրապարակում տեղի ունեցած ցույցին, երբ 8 այլախոհներ բողոքում էին խորհրդային զորքերի՝ Չեխոսլովակիա ներխուժման դեմ: Ըստ իրավապաշտպանի՝ երբ մարդիկ դուրս են գալիս հուսահատ բողոքի, նրանք չեն մտածում արդյունքի, հետևանքների մասին, նման մարդկանց համար կարևոր է սեփական քաղաքացիական դիրքորոշումն արտահայտելը:
Վարդան Հարությունյանը կարծում է, որ բարոյական հեղինակությունները, օրինակ, Անդրեյ Սախարովը, մեծամասնության աչքերում հեղինակություն են դառնում, նրանց սկսում են լսել, երբ արդեն ուշ է: Մեծամասնությունը, իր հերթին, սիրում է թիրախավորել մեծություններին, քանի որ մարդկանց թվում է, թե դրանով իրենք էլ են մեծանում: Ընդհանրապես, ըստ իրավապաշտպանի, սոցցանցերի դարում հեշտ է որևէ մեկին թիրախավորելը, հեշտ է չիմացած բաների մասին կարծիք հայտնելը:
Խոսելով ժամանակ առ ժամանակ մոդայիկ դարձող «լյուստրացիա» հասկացության մասին՝ Վարդան Հարությունյանը նշում է, որ այդ բառը սովորաբար սխալ է գործածվում: Իրականում դա ոչ թե ինչ-որ մեկին անարգանքի սյանը գամելն է, այլ հասարակական համերաշխության ճանապարհ փնտրելը, երբ նախկինում այս կամ այն պատճառով բարիկադների տարբեր կողմերում հայտնված մարդիկ միասնաբար պայքարում եմ իրենց թշնամացրած չարիքի դեմ: Պետք է անցյալը դարձնել աստիճան, որից կարելի է բարձրանալ հաջորդ աստիճանին: Դա, ըստ հաղորդման հյուրի, վերաբերում է թե՛ մեր խորհրդային անցյալին, թե՛ հայ-թուրքական հարաբերություններին, և թե՛ Երրորդ Հանրապետության պատմությանը:
Մանրամասները՝ տեսանյութում:
