17.11.2024 | 15:00
Չինաստանում ուսանողը քոլեջում հարձակում է գործել․ սպանվել է 8 մարդ
Նաիրիի բաժնի ոստիկանները դարանակալել ու գողությունից րոպեներ անց բռնել են կասկածվողներին
Հասարակություն
27.04.2022 | 20:40
Ոստիկանության Նաիրիի բաժնի անչափահասների գործերով և ընտանեկան բռնության կանխարգելման բաժանմունքի ծառայողները տեղեկություններ էին ստացել, որ Լոռու մարզի երկու բնակիչ Զովունիի մի կիսակառույց շինությունից գողություն են անում․ տեղեկացնում են ՀՀ ոստիկանությունից։
Ապրիլի լույս 25-ի գիշերը նույն բաժանմունքի ծառայողները Զովունիում դարանակալել, իսկ կասկածվողների «ԲՄՎ» մակնիշի մեքենան նկատելուց հետո հետապնդել ու կանգնեցրել են մեքենան: Լոռեցի տղամարդիկ, մեքենայով հանդերձ, բերման են ենթարկվել ոստիկանության Նաիրիի բաժին:
Մեքենայում գողոն կար։ Պարզվել է, որ նրանք Զովունի գյուղից և Երևանի Դավիթաշեն թաղամասից շինարարական հենակներ են գողացել:
Բերման ենթարկված տղամարդիկ տվել են խոստովանական բացատրություն:
Տուժողներից ընդունվել է հաղորդում:
Հանգամանքները պարզվում են։
