Տնտեսություն
27.04.2022 | 13:22
Եվրամիությունը շանտաժ է համարում եվրոպական որոշ ընկերություններին ռուսական գազի մատակարարումները դադարեցնելը։ Այս մասին ասվում է Եվրահանձնաժողովի նախագահ Ուրսուլա ֆոն դեր Լյայենի հայտարարության մեջ, փոխանցում է swissinfo-ն։
««Գազպրոմ»-ի հայտարարությունը Ռուսաստանի հերթական փորձն է՝ գազով մեզ շանտաժի ենթարկել։ Բրյուսելը պատրաստ է նման սցենարի։ Մենք պատրաստում ենք ԵՄ-ի համակարգված պատասխանը»,- ասել է Եվրահանձնաժողովի ղեկավարը։
Հիշեցնենք, որ ռուսական «Գազպրոմ» ընկերությունը հայտարարել է բուլղարական «Բուլղարգազ» և լեհական PGNiG ընկերություններին գազամատակարարումների ամբողջական դադարեցման մասին՝ վառելիքի համար ռուսական ռուբլով վճարելուց հրաժարվելու պատճառով:
Էմմա Չոբանյան
