19.12.2025 | 23:33
ԱՄՆ-ի, Ռուսաստանի և Ուկրաինայի բանակցությունների նոր փուլը տեղի կունենա ԱՄՆ-ում առաջիկա օրերին
Ամբողջ օրը կալանավորներն ինքնախեղում կանեն, եթե դա չի դիտվում որպես խախտում. Խաչատրյանը՝ փոխնախարարին
Հասարակություն
21.04.2022 | 16:07
ԱԺ Պետական-իրավական հարցերի մշտական հանձնաժողովի նիստում քննարկվում է Կառավարության ներկայացրած «ՀՀ քրեակատարողական օրենսգրքում փոփոխություններ և լրացումներ կատարելու մասին» և «Ձերբակալված և կալանավորված անձանց պահելու մասին» օրենքում փոփոխություններ կատարելու մասին» ՀՀ օրենքների նախագծերի փաթեթը:
Հանձնաժողովի նիստում նախագծերի փաթեթը ներկայացրեց Արդարադատության նախարարի տեղակալ Արփինե Սարգսյանը:
Նախագծերով, ի թիվս այլ փոփոխությունների, առաջարկվում է հստակեցնել կալանավորված անձանց և դատապարտյալների հոգեբանական և հոգեթերապևտիկ աջակցություն ստանալու իրավունքը, ինչը միտված է նաև առողջության իրավունքի արդյունավետ իրականացման համար անհրաժեշտ նախադրյալներ ստեղծելուն, ինչպես նաև վերացնել ինքնավնասման համար պատժախուցը որպես կարգապահական տույժ կիրառելու իրավական հնարավորությունը:
«Քաղաքացիական պայմանագիր» խմբակցության պատգամավոր Արմեն Խաչատրյանը մտահոգություն հայտնեց այն առնչությամբ, որ ինքնավնասման համար կարգապահական տույժ կիրառելու իրավական հնարավորությունը վերացնելու դեպքում ինքնախեղման և ինքնավնասման դեպքերը շեշտակի աճ կունենան և մարդիկ իրենց պատիժը կրելու ընթացքում ժամանակի մեծ մասը բուժհաստատություններում կանցկացնեն:
Փոխնախարարն ընդգծեց, որ ինքնավնասում իրականացրած անձինք ոչ թե կտեղափոխվեն պատժախուց, այլ նրանց հետ թիրախավորված հոգեբանական աշխատանք կիրականացվի:
Մանրամասները՝ տեսանյութում:
