Եթե դատապարտվածին վտանգ է սպառնում, նա կարող է դիմել ՔԿՀ պետին, որպեսզի խցում առանձին մնա. փոխնախարար․ ՏԵՍԱՆՅՈՒԹ

ԱԺ Պետական-իրավական հարցերի մշտական հանձնաժողովի նիստում քննարկվում է Կառավարության ներկայացրած «ՀՀ քրեակատարողական օրենսգրքում փոփոխություններ և լրացումներ կատարելու մասին» և «Ձերբակալված և կալանավորված անձանց պահելու մասին» օրենքում փոփոխություններ կատարելու մասին» ՀՀ օրենքների նախագծերի փաթեթը:

Հանձնաժողովի նիստում նախագծերի փաթեթը ներկայացրեց Արդարադատության նախարարի տեղակալ Արփինե Սարգսյանը:

Նախագծերով առաջարկվում է հստակեցնել կալանավորված անձանց և դատապարտյալների հոգեբանական և հոգեթերապևտիկ աջակցություն ստանալու իրավունքը, ինչը միտված է նաև առողջության իրավունքի արդյունավետ իրականացման համար անհրաժեշտ նախադրյալներ ստեղծելուն, վերացնել ինքնավնասման համար պատժախուցը որպես կարգապահական տույժ կիրառելու իրավական հնարավորությունը, նախատեսել իրավական արգելք անչափահասներին պատժախուց տեղափոխելու վերաբերյալ և այլն:

Նախատեսվում է հանել ազատազրկման դատապարտված անձին տեխնիկատնտեսական սպասարկման աշխատանքներ կատարելու համար փակ ուղղիչ հիմնարկ ուղարկելու կամ կալանավորվածներին պահելու վայրում թողնելու համար առավելագույնը յոթ տարի ժամկետով ազատազրկման դատապարտված լինելու պահանջը:

Փոխնախարարի խոսքով՝ նախագծերի փաթեթով կարևոր փոփոխություն է նախատեսված նաև դատապարտյալներին առանձին պահելու կանոնակարգում: «Եթե դատապարտվածին վտանգ է սպառնում, նա կարող է դիմել ՔԿՀ պետին, որպեսզի խցում առանձին մնա»,- նշեց Սարգսյանը:

Մանրամասները՝ տեսանյութում: