17.12.2025 | 15:14
Անկարան ու Բաքուն ռազմական համագործակցության հարցեր են քննարկել
Զաքիր Հասանովը բացահայտել է, որ Արցախյան 44-օրյա պատերազմում շուրջ 11․000 ադրբեջանցի զինծառայող է վիրավորվել
Քաղաքականություն
14.04.2022 | 22:45
Ադրբեջանի պաշտպանության նախարար Զաքիր Հասանովը բացահայտել է, թե քանի զինծառայող է վիրավորել Արցախյան երկրորդ պատերազմում։ Նա նշել է, որ նրանց թիվը շուրջ 11․000 է։
Ադրբեջանական լրատվամիջոցների հաղորդմամբ՝ այսօր ելույթ ունենալով ՊՆ գլխավոր կլինիկական հոսպիտալի ստեղծման 30-ամյակին նվիրված միջոցառմանը, Զաքիր Հասանովը շնորհակալություն է հայտնել պատերազմի ժամանակ վիրավորներին տարհանած բուժաշխատողներին, որոնք «բուժօգնություն են տրամադրել 11․110 ադրբեջանցի զինծառայողի»։
Հասանովը նաև նշել է, որ 259 վիրավոր էլ բուժման համար ուղարկվել է արտերկիր։
Հավելենք, որ պատերազմից հետո Ադրբեջանը պաշտոնապես վիրավորների նման թիվ չէր հրապարակում։ Մասնավորապես, պատերազմից հետո Ադրբեջանի ՊՆ-ի հրապարակած տվյալներով՝ 1245 զինծառայող է վիրավորվել, որոնք բուժվում էին հիվանդանոցներում։ Զոհերի թիվն էլ, ըստ ադրբեջանական կողմի պաշտոնական տվյալների, 2783 էր, իսկ թարմացված տվյալներով՝ 2908, ևս 6-ը համարվում են անհետ կորած։
Էմմա Չոբանյան
