Պուտինը հանդիպել է Սի Ցզինպինի հետ՝ ՌԴ-ի, ԱՄՆ-ի և Չինաստանի ղեկավարների եռակողմ գագաթնաժողովից առաջ

Լուրեր

18.11.2026 | 11:04
Պուտինը հանդիպել է Սի Ցզինպինի հետ՝ ՌԴ-ի, ԱՄՆ-ի և Չինաստանի ղեկավարների եռակողմ գագաթնաժողովից առաջ
18.11.2026 | 10:56
Ազգերի լիգայում հայտնի են քառորդ եզրափակիչի բոլոր մասնակիցները
18.11.2026 | 10:47
Ուսուցիչների համար գործարկվել է արհեստական բանականության 65 գործիք ներկայացնող հայալեզու պորտալ
18.11.2026 | 10:39
Ընդդիմադիրները Փաշինյանի մասնակցությամբ նիստին արդեն 2 ընդմիջում են վերցրել
18.11.2026 | 10:30
Սլովակիայում բողոքի ցույցեր են անցկացվել վարչապետ Ռոբերտ Ֆիցոյի և Կրեմլի հետ նրա կապերի դեմ
18.11.2026 | 10:22
ՄԻՊ-ն ընդգծել է երեխաներին առնչվող գործերը լուսաբանելիս անձնական տվյալների պաշտպանության և «Մի՛ վնասիր» սկզբունքի պահպանման կարևորությունը
18.11.2026 | 10:08
Արգենտինայի հավաքականը հաղթել է 7:0 հաշվով. ՏԵՍԱՆՅՈՒԹ
18.11.2026 | 10:00
Նիկոլ Փաշինյանն ԱԺ-ում մասնակցում է 2027թ. բյուջեի նախագծի քննարկմանը. ՈՒՂԻՂ
18.11.2026 | 09:55
ՀՖՖ-ն աջակցում է ՖԻՖԱ-ի նախագահի եվրոպական թեկնածուին
18.11.2026 | 09:47
Արտարժույթների փոխարժեքները՝ նոյեմբերի 18-ի դրությամբ
18.11.2026 | 09:36
ՀՀ տարածքում ավտոճանապարհները հիմնականում անցանելի են
17.11.2026 | 23:25
Հայաստանի մի շարք հասցեներում էլեկտրաէներգիայի անջատումներ կլինեն
17.11.2026 | 23:10
25-ամյա հետախուզվողը հայտնաբերվել և ձերբակալվել է մայրաքաղաքում
17.11.2026 | 22:53
Սևանա լճի մակարդակը մեկ շաբաթում նվազել է 1 սանտիմետրով
17.11.2026 | 22:39
Ադրբեջանում առաջարկում են է՛լ ավելի խստացնել ՀԿ-ների գործունեությանը վերաբերող օրենսդրությունը
Բոլորը

ՌԴ նախագահ Վլադիմիր Պուտինը ժամանել է Չինաստանի Շենժեն քաղաք՝ Ասիա-խաղաղօվկիանոսյան տնտեսական համագործակցության (ԱԽՏՀ) գագաթնաժողովին մասնակցելու նպատակով։ Նա հանդիպել է Չինաստանի նախագահ Սի Ցզինպինի հետ, փոխանցում է Meduza-ն։

Երկու առաջնորդները հանդես են եկել հայտարարություններով։ Պուտինը նշել է, որ Ռուսաստանի և Չինաստանի արտաքին քաղաքական կապը «կայուն կերպով գործում է», երկու երկրների միջև զբոսաշրջային փոխայցելությունների հոսքն աճում է, իսկ համատեղ աշխատանքը զարգանում է «վերընթաց ուղղությամբ»։

«Ռուս-չինական արտաքին քաղաքական համագործակցությունը կայուն և դրական հունով է աշխատում»,- Սի Ցզինպինի հետ ընդլայնված կազմով բանակցությունների ընթացքում հայտարարել է Վլադիմիր Պուտինը։

Նրա խոսքով՝ աշխարհաքաղաքական իրավիճակում Մոսկվան և Պեկինը հանդես են գալիս «ավելի արդար բազմաբևեռ աշխարհակարգի ձևավորման կառուցողական մոտեցումներով»։ ՌԴ նախագահը նշել է, որ երկու երկրների ընդհանուր նպատակն է Ասիա-խաղաղօվկիանոսյան տարածաշրջանում խաղաղության և բարգավաճման ապահովումը։

«Մենք կաշխատենք, ինչպես դուք եք սիրում ասել՝ մեջք մեջքի տված՝ ի շահ Ռուսաստանի և Չինաստանի Ժողովրդական Հանրապետության ժողովուրդների»,- ասել է Պուտինը։

Սի Ցզինպինը, իր հերթին, Ռուսաստանի և Չինաստանի հարաբերությունները բնութագրել է որպես «սարի պես անսասան, որը կանգուն է մնում՝ անկախ քամուց ու անձրևից», և նշել, որ դրանք ենթակա չեն «աշխարհաքաղաքական իրավիճակի պահի ազդեցությանը»։

Սիի հետ հանդիպումից առաջ Պուտինը նաև ուղերձ է հղել ԱԽՏՀ-ի գործարար խորհրդին՝ նշելով, որ Եվրամիությունը չի կարողացել հարմարվել Ռուսաստանի դեմ սահմանված պատժամիջոցների և ռուսական շուկայից կամավոր հրաժարվելու հետևանքներին։ Պուտինի խոսքով՝ դրա հետևանքով Եվրամիությունը «կորցնում է իր արդյունաբերական ներուժն ու մրցակցային պայքարում ունեցած դիրքերը»։

Նոյեմբերի 19-ին ԱԽՏՀ գագաթնաժողովի շրջանակում սպասվում է Պուտինի, Սի Ցզինպինի և ԱՄՆ նախագահ Դոնալդ  Թրամփի եռակողմ հանդիպումը։ Այս հանդիպման գաղափարը Պուտինն առաջարկել էր Թրամփին հոկտեմբերին՝ հեռախոսազրույցի ընթացքում։

The Wall Street Journal-ի տեղեկություններով՝ Պուտինը հույս ունի հանդիպման ընթացքում, մասնավորապես, պայմանավորվել Ռուսաստանի և Ուկրաինայի պատերազմի ավարտի շուրջ՝ Մոսկվայի համար շահավետ պայմաններով։ Սակայն Թրամփը նախևառաջ ցանկանում է քննարկել միջուկային սպառազինության հարցը։

Financial Times-ի տվյալներով՝ Չինաստանը, Ռուսաստանը և ԱՄՆ-ը որոշել են նախապես չհամաձայնեցնել եռակողմ հանդիպման օրակարգը։

Թարգմանությունը՝ Էմմա Չոբանյանի