16.12.2025 | 10:41
ՀՀ մարզերում ապօրինի ջրօգտագործումներ են կասեցվել. ԲԸՏՄ
2021-ին դատապարտվածների թիվն աճել է․ նրանց շարքում 30 պաշտոնյա կա
Հասարակություն
11.04.2022 | 18:17
2021 թվականին Հայաստանում 2171 անձ է դատապարտվել, որը 217-ով կամ շուրջ 11 %-ով ավելի է նախորդ տարվա համեմատ։ Այս մասին տեղեկանում ենք ՀՀ վիճակագրական կոմիտեի հրապարակած տվյալներից։
Դատապարտվածների մեծ մասը՝ 1012-ը, 30-ից 49 տարիքային խմբից են, 781-ը՝ 18-ից 29 տարիքային խմբից, 352-ը՝ 50-ից բարձր։ 14-17 տարեկան 29 դեռահաս է դատապարտվել։
Դատապարտվածներից 30-ը պաշտոնատար անձինք են եղել, 216-ը՝ զինվորական ծառայողներ։ 442 անձանց վերաբերյալ գործերը կարճվել են, 67 անձ արդարացվել է, 30 անմեղսունակների նկատմամբ կիրառվել են բժշկական բնույթի հարկադրական միջոցներ: Դատապարտվածների ընդհանուր թվաքանակից 637-ի նկատմամբ նշանակված պատիժը պայմանականորեն չի կիրառվել (18-ը՝ անչափահաս), 58-ի նկատմամբ կիրառվել է համաներման ակտ:
