19.11.2024 | 23:34
Ինչ են քննարկել Հայաստանի և Գերմանիայի ԱԳ նախարարները
«Մինչ մենք սկսենք «Բայրաքթար» սարքել, հակառակորդն ավելի հզոր զենք կունենա. թռիչք է պետք». Հովիկ Մուսայելյան. ՏԵՍԱՆՅՈՒԹ
Հաղորդաշարեր
09.04.2022 | 21:00
Factor TV-ի «A-politic» հաղորդաշարի հյուրն է «Սինոփսիս Արմենիա» ընկերության տնօրեն Հովիկ Մուսայելյանը: Տեղեկատվական տեխնոլոգիաների և ընդհանրապես ժամանակակից տնտեսության զարգացման կարևորագույն գրավականներից մեկը նա համարում է սեփական միկրոէլեկտրոնիկա ունենալը: Այդ առումով, մասնագետի տեսանկյունից, Հայաստանը 30 տարվա ընթացքում կորցրել է այն առաքելությունը, այն գործառույթը, որը նրան տրված էր խորհրդային շրջանում:
Առաջին արցախյան պատերազմում հաղթելուց հետո, Մուսայելյանի խոսքով, մենք շուրջպար էինք բռնում, կենացներ էինք ասում, իսկ մեր հակառակորդը պատրաստվում էր: Եթե հիմա մենք որոշենք հարվածային թռչող սարքեր արտադրել և դրան հատկացնենք, ենթադրենք, 5 տարի, ապա Ադրբեջանն այս ընթացքում, շատ հնարավոր է, կստեղծի կամ կգնի շատ ավելի արդիական զենք: Հետևաբար, պետք է բեկումնային, թռիչքային զարգացում:
Այդ համատեքստում հաղորդման հյուրը կարևորում է սփյուռքի մասնագետների ներգրավումը, իսկ այդ գործընթացի հաջողությունը շատ բանով պայմանավորված է հայաստանյան պետական, հասարակական շրջանակների ակտիվությունից՝ պատվերը, պահանջարկը պետք է ձևավորվի Հայաստանում: Միևնույն ժամանակ, այստեղ կադրերի պատրաստմանն անհրաժեշտ է նոր որակ տալ՝ հաշվի առնելով, որ մեր երկիրը կարող է հետաքրքիր լինել, ավելին՝ զարմացնել աշխարհին ոչ թե արտադրանքի, ընկերությունների կամ մասնագետների քանակով, այլ որակով՝ բարդ բացառիկ ծրագրեր և արտադրատեսակներ ստեղծելով:
Մանրամասները՝ տեսանյութում:
