26.11.2024 | 20:46
Նախարարը՝ սկանդալի կենտրոնում. Factor TV-ի հրապարակման հետքերով փաստաբաններն ուսումնասիրություն են կատարել. ՏԵՍԱՆՅՈՒԹ
Իտալիայում Վլադիմիր Սոլովյովի հերթական առանձնատունը ենթարկվել է հարձակման․ պատերը ներկվել են կարմիրով․ ԼՈՒՍԱՆԿԱՐՆԵՐ
Քաղաքականություն
07.04.2022 | 17:57
Ռուս իշխանամետ հաղորդավար Վլադիմիր Սոլովյովի` Իտալիայի Կոմո լճի ափին գտնվող հերթական վիլլան հարձակման է ենթարկվել, գրում է Lenta-ն։
Անհայտ անձինք կարմիրով են ներկել տան պատերը, ինչպես նաև լողավազանի ջուրը։ Նախօրեին նրա մեկ այլ առանձնատուն էր ենթարկվել հարձակման․ անհայտ անձինք փորձել էին հրկիզել տունը, սակայն հարևանի ահազանգով կրակն արագորեն մարել էին։
Նշենք, որ Վլադիմիր Սոլովյովը պատժամիջոցների տակ է, նրա մուտքը Եվրամիության երկրներ արգելված է։
Հավելենք նաև, որ Ռուսաստանում Ուկրաինայում ռազմական գործողություններից հետո արգելափակված Euronews հեռուստաալիքի փոխարեն ՌԴ տարածքում հեռարձակվելու է «Соловьев.Live»-ը՝ ալիք, որը, ըստ էության, Վլադիմիր Սոլովյովի հեղինակային հաղորդումն է։
Ռուսական լրատվամիջոցների հաղորդմամբ՝ հեռուստաալիքի թեմաները կլինեն տեղեկատվական-քաղաքական, հասարակական-քաղաքական, լրագրողական և սոցիալ-տնտեսական:
Հիշեցնենք՝ մարտի սկզբին YouTube-ը հեռացրել էր Սոլովյովի ալիքը, որտեղ, մասնավորապես, հեռարձակվում էր այս հաղորդումը։
Տաթև Ֆռանգյան
