08.02.2026 | 22:09
Չեխիայի իշխանությունները ցանկանում են երեխաներին արգելել օգտվել սոցիալական ցանցերից
Անդրանիկ Փիլոյանին կալանավորելու որոշման դեմ վերաքննիչ բողոք է ներկայացվել
Հասարակություն
05.04.2022 | 11:59
Արտակարգ իրավիճակների նախկին նախարար Անդրանիկ Փիլոյանին կալանավորելու որոշման դեմ վերաքննիչ բողոք է ներկայացվել դատարան։ Այս մասին Factor.am-ի հետ զրույցում հայտնեց պաշտպան Տիգրան Սարգսյանը։ Մեր հարցին՝ որո՞նք են եղել որոշման դեմ ներկայացված բողոքի հիմքերը, փաստաբանը չմանրամասնեց։
Հիշեցնենք՝ Փիլոյանը երկու ամսով կալանավորվել էր մարտի 31-ին։ Ըստ Հակակոռուպցիոն Կոմիտեի՝ նախարարը և ԱԻ նախարարության 10-ից ավելի աշխատակիցներ մեղադրվում են խոշոր ու առանձնապես խոշոր չափերով կաշառք ստանալու, դրան օժանդակելու, պաշտոնեական դիրքը չարաշահելու, խարդախության եղանակով խոշոր չափերով հափշտակություն կատարելու, ինչպես նաև խոշոր և առանձնապես խոշոր չափերով ապօրինի վարձատրություն ստանալու, տալու և այլ չարաշահումների համար։
Կոռուպցիոն գործի շրջանակներում մեղադրանք է առաջադրվել Արտակարգ իրավիճակների նախարարության ևս 8 տարբեր պաշտոնյաների, նրանց նկատմամբ ևս որպես խափանման միջոց է ընտրվել կալանավորումը: ՀՀ ԱԻՆ աշխատակիցներից 10 անձ ունի կասկածյալի դատավարական կարգավիճակ: Նրանց նկատմամբ որպես խափանման միջոց է ընտրվել ստորագրությունը չհեռանալու մասին:
Ռոզա Վարդանյան
