19.12.2025 | 14:45
ՄԱԿ-ի հետ համագործակցության զարգացման փաստաթուղթ է ստորագրվել
Չհրկիզվող պահարան, ոսկյա զարդեր ու փող էին գողացել. Արաբկիրի ոստիկանների բացահայտումը
Հասարակություն
04.04.2022 | 18:45
Մարտի 8-ին մայրաքաղաքի Դեմիրճյան փողոցի մի տնից գողություն էին արել: Օպերատիվ կառավարման կենտրոնից հաղորդում ստանալով՝ ոստիկանության Արաբկիրի բաժնի քրեական հետախույզները մեկնել էին դեպքի վայր: Պարզվել էր՝ ժամը 18.30-ից 23.30-ն ընկած ժամանակահատվածում տեխնիկական միջոցների գործադրմամբ բացել էին հյուրասենյակի պատուհանը, գողացել չհրկիզվող պահարան, ոսկյա զարդեր ու փող․ տեղեկացնում են ՀՀ ոստիկանությունից։
Դեպքի առթիվ տարածքային քննչական մարմնում հարուցվեց քրեական գործ:
Բացահայտման աշխատանքներին միացան ոստիկանության Երևան քաղաքի վարչության, դատախազության ու քննչական բաժնի ծառայողները:
Օպերատիվ-հետախուզական միջոցառումների և քննչական գործողությունների արդյունքում ձեռք բերված բավարար ապացույցների համակցությամբ հիմնավորվեց, որ բնակարանային գողությունն արել է Արարատի մարզի Նոր Խարբերդ համայնքի 40-ամյա մի բնակիչ՝ Երևանում բնակվող 25-ամյա երիտասարդի հետ:
Մարտի 30-ին նրանք հայտնաբերվեցին ու բերման ենթարկվեցին ոստիկանության Արաբկիրի բաժին, ապա ներկայացվեցին նախաքննական մարմնին ու ձերբակալվեցին:
Ձեռնարկվում են միջոցառումներ՝ գողոնը հայտնաբերելու ուղղությամբ:
Հանգամանքները նախաքննությամբ պարզվում են:
`
